ບໍລິສັດ Xiaomi ຟ້ອງລັດຖະບານສະຫະລັດ

ບໍລິສັດ ສະມາດໂຟນ ຂອງຈີນ ຟ້ອງກະຊວງປ້ອງກັນປະເທດ ແລະ ກະຊວງການເງິນຂອງສະຫະລັດ, ພາຍຫຼັງຖືກນຳເອົາຊື່ເຂົ້າຢູ່ໃນບັນຊີດຳ ຫ້າມຮັບເອົາການລົງທຶນຈາກປະເທດຈີນ.

         ກ້ານຟ້ອງ ຢືນໄປຫາສະຫະລັດໃນວັນ 29 ມັງກອນ ຜ່ານມາ, ຊຶ່ງກ່າວຫາວ່າ ການກະທຳຂອງສະຫະລັດ ໄດ້ເຮັດໃຫ້ບໍລິສັດດັ່ງກ່າວ ຕົກເຂົ້າຢູ່ໃນບັນຊີດຳ ຢ່າງຜິດກົດໝາຍ ຢາກໃຫ້ ສານພິກປີ້ນຄຳສັ່ງດັ່ງກ່າວ. ວັນທີ 14 ມັງກອນ ທຳນຽບ ຫ້າແຈ ໄດ້ເອົາບໍລິສັດ Xiaomi ພ້ອມກັບ 8 ບໍລິສັດອື່ນອີກເຂົ້າຢູ່ໃນບັນຊີຂອງບໍລິສັດຈີນທີ່ມີການພົວພັນກັບທະຫານ. ເຮັດໃຫ້ບໍລິສັດຕ່າງໆ ຖອນການລົງທຶນອອກຈາກບໍລິສັດດັ່ງກ່າວກ່ອນວັນທີ 11 ເດືອນພະຈິກປີນີ້.

      ຄຳປະກາດດັ່ງກ່າວເຮັດໃຫ້ນັກລົງທຶນມີຄວາມເປັນຫວ່ງ. Xiaomi ໄດ້ປະຕິເສດວ່າ ຖືກຄວບຄຸມ ບັນຊາ ແລະ ກວດກາ ໂດຍທະຫານ ພ້ອມທັງໃຫ້ຮູ້ວ່າ “ພວກຕົນມີການກະທຳທີ່ເໝາະສົມ ເພື່ອປົກປ້ອງສິດຜົນປະໂຫຍດຂອງບໍລິສັດ ແລະ ຜູ້ຖືຫຸ້ນ”, “Xiaomi ຈະປະເຊີນກັບຄວາມຫາຍຍະນະທີ່ຮ້າຍແຮງ ແລະ ຍາກທີ່ຈະຟື້ນຟຸຄືນໄດ້ ຖ້າຄຳປະກາດດັ່ງກ່າວຫາກ ຍັງມີຜົນສັກສິດຢູ່” ບໍລິສັດກ່າວ ແລະ ຍັງຢືນຢັນວ່າ “Xiaomi ບໍ່ຖືກຄອບຄອງ, ກວດກາ ຫຼື ມີສ່ວນກ່ຽວຂ້ອງພົວພັນກັບລັດຖະບານ ແລະ ທະຫານຂອງຈີນແຕ່ຢ່າງໃດ, ແລະ ກໍບໍ່ຖືກຄອບງຳຈາກບຸກຄົນໃດ ທີ່ມີການພົວພັນກັບອຸດສາຫະກຳການທະຫານຂອງຈີນ ແຕ່ປະການໃດ”.

         BlackRock, Vanguard Group ແລະ State Street ເປັນສາມບໍລິສັດໃນຈຳນວນບໍລິສັດຂອງສະຫະລັດ ທີ່ຈະຖືກຖອນການລົງທຶນອອກຈາກ Xiaomi. ບໍລິສັດ Qualcomm ກໍແມ່ນໜຶ່ງບໍລິສັດທີ່ໄດ້ລົງທຶນໃສ່ ບໍລິສັດ ສະມາດໂຟນຂອງຈີນ. ຫຸ້າຂອງ Qualcomm ຫຼຸດລົງ 12% ໃນເດືອນມັງກອນ. ພາຍຫຼັງວິກິດການໜັກທີ່ສຸດ ໃນອາທິດທຳອິດຂອງປີນີ້.