ການປະທະລະຫວ່າງ 2 ນັກເສດຖີກ່ຽວກັບການດຳເນີນທຸລະກິດ ອະສັງຫາລີມະຊັບ ເທິງອາວະກາດ.
SpaceX ແລະ Amazon ແມ່ນສອງກຸ່ມບໍລິສັດ ຂອງສອງນັກເສດຖິເງິນຕື້ ເປັນຜູ້ບໍລິຫານ ກຳລັງປະທະກັນຈົນອອກແສງ ກ່ຽວກັບໃຫ້ໄດ້ຄອບຄອງ ການດຳເນີນທຸລະກິດ ອະສັງຫາລີມະຊັບ ເທິງອາວະກາດ.
ອີລອນມັສ ເປັນຜູ້ກໍ່ຕັ້ງກຸ່ມບໍລິສັດ SpaceX, ຊຶ່ງເປັນຜູ້ທີ່ມີມູນຄ່າຊັບສິນຫຼາຍກວ່າ 209 ຕື້ໂດລາ ເປັນຜູ້ຮັ່ງທີ່ສຸດໃນໂລກ, ກ່າວຫາວ່າ ເຊບ ບີຢ໊ອດ ຜູ້ກໍ່ຕັ້ງກຸ່ມບໍລິສັດ Amazon ເປັນຜູ້ກີດຂວາງການດຳເນີນທຸລະກິດຂອງພວກຕົນ ແລະ ສະກັດກັ້ນການພັດທະນາ ຂະແໜງການອາວະກາດຂອງສະຫະລັດ ອາເມລິກາ.
ເສດຖິເງິນຕື້ ເຊບ ບີຢ໊ອດ ຜູ້ທີ່ມີມູນຄ່າຊັບສິນ 192 ຕື້ໂດລາ ຊຶ່ງເປັນຜູ້ທີ່ຮັ່ງມີອັນດັບສອງຂອງໂລກ, ອັນດັບທີໜຶ່ງຂອງ ເຊບ ບີຢ໊ອດ ຫາກໍຖືກ ອີລອນມັສ ຍາດໄປຫວ່າງບໍ່ດົນມານີ້.
ອົງກອນກອງທຶນໂລກ (IMF) ໃຫ້ຮູ້ວ່າ ຖ້າສົມທຽບມູນຄ່າຊັບສິນຂອງທັງສອງເສດຖີດັ່ງກ່າວແລ້ວ ແມ່ນກວມເອົາ ½ ມູນຄ່າຊັບສິນທັງໝົດຂອງທຸກຊາດໃນໂລກ.
ກຸ່ມບໍລິສັດ SpaceX ຢາກໃຫ້ຄະນະກຳມະການໂທລະຄົມ ສະຫະລັດ ອະນຸມັດໃຫ້ພວກເຂົາໄດ້ຕິດຕັ້ງລະບົບສັນຍານດາວທຽມ Starlink ຢູ່ໃກ້ກັບພາກພື້ນດິນ ເມື່ອທຽບໃສ່ແຜນການເບື້ອງຕົ້ນ.
ແຕ່ ກຸ່ມບໍລິສັດ Amazon ກ່າວວ່າ ຖ້າໃຫ້ ລະບົບສັນຍານດາວທຽມຂອງ ກຸ່ມບໍລິສັດ SpaceX ຕິດຕັ້ງໃກ້ກັບພາກພື້ນດິນ ຈະເປັນການກີດຂວາງການປ່ອຍຍານອາວະກາດຂອງພວກຕົນ ແລະ ຈະເປັນການລົບກວນຄື້ນ.
ກຸ່ມບໍລິສັດ SpaceX ຕອບກັບແບບສຽດສີວ່າ “Amazon ຍັງບໍ່ທັນມີ ຍານອາວະກາດໃດໆ ປ່ອຍຂຶ້ນສູ່ຮ່ວງອາວະກາດ ກໍທຳທ່າສະແດງຄວາມເປັນຫວ່ງກ່ອນ ແລ້ວ”.
SpaceX ໄດ້ປ່ອຍຍານອາວະກາດຂຶ້ນສູ່ຮ່ວງອາວະກາດwfhແລ້ວ 900 ລຳ ແລະ ຍັງມີແຜນ9tປ່ອຍອີກຫຼາຍພັນລຳ ໃນລະບົບStarlink.
ເສດຖີ ອີລອນມັສ ຂຽນລົງໃນທະວິດເຕີວ່າ: “ລະບົບ Starlink ຈະບໍ່ກີດຂວາງດາວທຽມຂອງ Amazon ເພາະລະບົບຂອງ Amazon ຖ້າຢ່າງໜ້ອຍກໍຕ້ອງແມ່ນຫຼາຍປີຈຶ່ງຈະໄດ້ປ່ອຍ ”.
SpaceX ປະກາດວ່າ: ຄວາມເປັນຫວ່ງຂອງ Amazon ໄດ້ສ້າງຄວາມເຂົ້າໃຈຜິດໃຫ້ກັບລະບົບຂອງພວກຕົນ ເພາະລະບົບຂອງ Amazon ຍັງອ່ອນນ້ອຍຫຼາຍ.
Amazon ໂຕ້ກັບວ່າ “ຄວາມຈິງແລ້ວມັນງ່າຍທີ່ສຸດ ພວກເຮົາໄດ້ອອກແບບໃຫ້ Kuiper ບໍ່ໄດ້ຮັບຜົນກະທົບຈາກລະບົບ Starlink ແລະ ປັດຈຸບັນ SpaceX ຢາກດັດແກ້ແຜນເບື້ອງຕົ້ນຂອງພວກເຂົາ. ການປ່ຽນແປງຂອງ SpaceX ບໍ່ສະເພາະແຕ່ຈະເຮັດໃຫ້ສິ່ງແວດລ້ອມໃນອາວະກາດເກີດຄວາມອັນຕະລາຍຫຼາຍຂຶ້ນ ອັນເນື່ອງມາຈາກບໍ່ສະເພາະແຕ່ການປະທະກັນ ແຕ່ຫາກຍັງຈະສ້າງຄຄືນລົບກວນຄື້ນນຳອີກ ຊຶ່ງມັນຈະສົ່ງຜົນກະທົບຕໍ່ລູກຄ້າ. ແນ່ນອນແລ້ວວ່າ SpaceX ຢ້ານຖືກແກ້ງແຍ້ງຈາກພວກຕົນ. SpaceX ບໍ່ໄດ້ເຄື່ອນໄຫວເພື່ອຜົນປະໂຫຍດລວມຂອງຊຸມຊົນ”.
ການຕິດຕັ້ງລະບົບດາວທຽມ ໃກ້ຫັບພາກພື້ນດີນ ແມ່ນເປັນການດີ. ຖ້າຫາກເກີດອຸປະຕິເຫດ ຫຼື ເປ່ເພ, ໜ່ວຍໂລກຈະດຶງດູດມັນໄວ້ໃຫ້ຢູ່ໃນເສັ້ນສູນສູດທີ່ເໝາະສົມ ເພື່ອບໍ່ໃຫ້ມັນໄປຕຳກັບດາວທຽມໜ່ວນອື່ນໆ ແຕ່ຖ້າຫາກມີການເປ່ເພ ຢູ່ຫ່າງໄກພາກພື້ນດິນ ພວກມັນຈະກາຍເປັນສະເກັດ ແລະ ຈະປິວໄປແບບບໍ່ມີທິດທາງໃນຮ່ວງອາວະກາດ ມີຄວາມສ່ຽງໄປຕຳເອົາກັບດາວທຽມໜ່ວຍອື່ນໆ ໄດ້.
