10 ອັນດັບສຸດຍອດຫົວໜ້າທີມໃນປະຫວັດສາດພຣີເມຍລີກ

ການແຂ່ງຂັນພຣີເມຍລີກ ອັງກິດ ຜ່ານມາຄົບຮອບ 25 ປີ ແລ້ວ ແລະ ແຕ່ລະສະໂມສອນກໍມີ ນັກເຕະທີ່ດີເດັ່ນຂອງໂຕເອງຫຼາຍຄົນໃນແຕ່ລະຍຸກ ຂະນະທີ່ “”ເດິ ມິເຣີ” ສື່ດັງແຫ່ງເມືອງ ອັງກິດ ໄດ້ຄັດເລືອກ 10 ຍອດຫົວໜ້າ ທີມໃນປະຫວັດສາດໄວ້ດັ່ງນີ້:ການແຂ່ງຂັນພຣີເມຍລີກ ອັງກິດ ຜ່ານມາຄົບຮອບ 25 ປີ ແລ້ວ ແລະ ແຕ່ລະສະໂມສອນກໍມີ ນັກເຕະທີ່ດີເດັ່ນຂອງໂຕເອງຫຼາຍຄົນໃນແຕ່ລະຍຸກ ຂະນະທີ່ “”ເດິ ມິເຣີ” ສື່ດັງແຫ່ງເມືອງ ອັງກິດ ໄດ້ຄັດເລືອກ 10 ຍອດຫົວໜ້າ ທີມໃນປະຫວັດສາດໄວ້ດັ່ງນີ້:1. ຣອຍ ຄີນ: ເຊື່ອວ່າ ກອງເຊຍຂອງ ແມນເຊສເຕີ ຢູ ໄນເຕັດ ຄົງຢາກເຫັນຫົວໜ້າ ທີມດຸດັນ ແລະ ໃຈສູ້ຄື ຣອຍ ຄີນ ທີ່ຮັບຊ່ວງຕໍ່ຈາກ ເອຣິກ ຄັນໂຕ ນາ ຫຼັງຈົບລະດູກາ 1996-97.ຄີນ ບໍ່ເຄີຍເຮັດໃຫ້ກອງເຊຍ ຜິດຫວັງ ໃນເວລາທີ່ເປັນຫົວໜ້າ ທີມລົງສະໜາມ ດ້ວຍຮູບແບບ ການຫຼິ້ນທີ່ດຸດັນ ແລະ ເຖິງແຕ່ ໝູ່ຮ່ວມທີມຢ່າງ ປີເຕີ ຊະໄມເຄິລ ກໍເຄີຍມີປາກສຽງກັນມາແລ້ວ.ເຖິງສຸດທ້າຍ ຄີນ ຈະຈົບກັບ ແມນເຊສເຕີ ຢູໄນເຕັດ ແບບບໍ່ ງາມ ຫຼັງມີປັນຫາກັບ ເຊີ ອະເລັກ ເຟີກູສັນ ແຕ່ກອງເຊຍກໍຍັງຈົດ ຈຳລາວທີ່ເປັນຫົວໜ້າທີມແຊ໊ມ ພຣີເມຍລີກ 4 ສະໄໝ.2. ສະຕີເວນ ເຈີຣາດ: ໃນ ປະຫວັດສາດພຣີເມຍລີກ ເບິ່ງຄື ບໍ່ມີທີມໃດຕ້ອງອາໄສນັກເຕະຄົນດຽວໄປກວ່າ ລິເວີພູລ  ທີ່ມີຕໍ່ ສະຕີື ເວນ ເຈີຣາດ ອີກແລ້ວ.ເຈີຣາດ ອາດບໍ່ໄດ້ເປັນຫົວ ໜ້າທີມໃນຮູບແບບດຽວກັນ ໂທ ນີ ອະດຳດ, ຈອນ ເທີຣີ ຫຼື ຣອຍ ຄີນ ລາວອາດບໍ່ໄດ້ມີຄວາມເປັນ ຜູ້ນຳໂດຍທຳມະຊາດທີ່ຈະຄອຍຮ້ອງ ຫຼື ສັ່ງການໝູ່ຮ່ວມທີມແບບ ດຸດັນຕະຫຼອດເວລາ ເຈີຣາດ ປະ ສົບຄວາມສຳເລັດໃນຖານະຫົວໜ້າທີມຫຼາຍສຸດຄືພາທີມຄວ້າ ແຊ໊ມ ຢູຟາ ແຊ໊ມປຽນລີກ ປີ 2005 ແລະ ເອຟເອຄັບ 2006.3. ຈອນ ເທຣີ: ເທີຣີ  ຮັບໃຊ້ ເຊລຊີ ມາເປັນເວລາຍາວດົນ  ແລະ ລົງສະໜາມໄປຫຼາຍກວ່າ 700 ເກມ ໂດຍຄວ້າແຊ໊ມພຣີ ເມຍລີກ 5 ສະໄໝ, ເອຟເອຄັບ 5 ສະໄໝ, ລີກຄັບ 3 ສະໄໝ, ຢູໂຣ ປາລີກ ແລະ ຢູຟາ ແຊ໊ມປຽນລີກ ອີກຢ່າງລະ 1 ສະໄໝ.4. ໂທນີ ອະດຳ: ເປັນນັກ ເຕະທີ່ເກີດມາເພື່ອເປັນຫົວໜ້າທີມ ອາເຊນອລ ຢ່າງແທ້ຈິງ ແລະ ສົມ ຄວນທີ່ຈະໄດ້ຮັບການຍົກຍ່ອງ ໃຫ້ເປັນຕຳນານແຫ່ງ ໄຮບິວຣີ.ອະດຳ ພາ ອາເຊນອລ ຄວ້າແຊ໊ມ 4 ສະໄໝໃນໄລຍະ ທີ່ເຮັດໜ້າທີ່ຫົວໜ້າທີມລະຫວ່າງປີ 1987-2002.5. ແວ໋໊ງຊອງ ກ໊ອງປານີ: ແມນເຊສເຕີ ຊິຕີ ເບິ່ງເປັນທີມທີ່ ແຕກຕ່າງອອກໄປເວລາທີ່ບໍ່ມີ ກ໊ອງປານີ ລົງສະໜາມ ເພາະ ແມນ ຊິຕີ ຈະບໍ່ມີຄວາມແຂງແກ່ນ ຫຼາຍຂຶ້ນ ຖ້າ ກ໊ອງປານີ ຍື່ນຄຸມ ກອງຫຼັງ.ກ໊ອງປານີ ຄອຍສັ່ງການໄດ້ ຢ່າງດີເດັ່ນ ແລະ ຂຶ້ນໄປຍິງປະຕູ ໄດ້ຫຼາຍຄັ້ງ ຈົນຊ່ວຍໃຫ້ ແມນ ຊິຕີ ຄວ້າແຊ໊ມພຣີເມຍລີກ ລະດູ ການ 2011-12 ແລະ 2013-14.6. ເວສ ມໍແກນ: ໃຜຈະເຊື່ອ ວ່າ ເລສເຕີ ຊິຕີ ສາມາດຄວ້າ ແຊ໊ມພຣີເມຍລີກ ລະດູການ 2015-16 ໂດຍໜຶ່ງໃນນັກເຕະທີ່ ເປັນກຳລັງສຳຄັນຄື ເວສ ມໍແກນ.ມໍແກນ ຄຸມກອງຫຼັງໃຫ້ ເລສເຕີ ຊິຕີ ໄດ້ຢ່າງສຸດຍອດ ແລະ ເຮັດໜ້າທີ່ກັບຫົວໜ້າທີມ ໄດ້ດີ.7. ປາທຣິກ ວິເອຣາ: ວິ ເອຣາ ເປັນໜຶ່ງໃນກອງກາງທີ່ ດີທີ່ສຸດໃນປະຫວັດສາດພຣີເມຍ ລີກ ແລະ ເປັນຜູ້ນຳທີມ ອາເຊ ນອລ ຊຸດຄວ້າແຊ໊ມລະດູການ 2003-04.ວິເອຣາ ມີບົດບາດສຳຄັນ ໃນທີມ ອາເຊນອລ ຍຸກນັ້ນ ແລະ ແຂງແກ່ນ ເມື່ອໃສປອກແຂນ ຫົວໜ້າທີມລົງສະໜາມ.8. ໄບຣອນ ຣ໊ອບສັນ/ ສະຕີຟ ບຣູດ: ທັງຄູ່ໃນຊູຂັນແຊ໊ມ ພຣີເມຍລີກ ລະດູການ 1993-94 ຮ່ວມກັນໃຫ້ກັບ ແມນເຊສເຕີ ຢູໄນເຕັດ ຫຼັງຈາກທີ່ ຣ໊ອບສັນ ຢູ່ໃນໄລຍະບັ້ນທ້າຍຊີວິດນັກເຕະແລ້ວ.ບຣູດ ໄດ້ຮັດໜ້າທີ່ຫົວໜ້າ ທີມຢ່າງຕໍ່ເນື່ອງ ຂະນະທີ່ ຣ໊ອບ ສັນ ເປັນຄົນທີ່ຄອຍພັກດັນໝູ່ຮ່ວມ ທີມ ແລະ ລວບລວມພະລັງຊ່ວຍ ໃຫ້ ແມນ ຢູໄນເຕັດ ຄວ້າແຊ໊ມໄດ້ ສຳເລັດ.9. ເລັດລີ ຄິງ: ເຖິງປັນຫາ ບາດເຈັບຕາມລົບກວນ ຄິງ ຢ່າງ ຕໍ່ເນື່ອງໃນໄລຍະເປັນນັກເຕະ ແຕ່ໃນຖານະຫົວໜ້າທີມ ທັອດ ແນມ ຮັອດສະເປີ ຄົງບໍ່ມີໃຜລືມ ລາວໄດ້.ລາວອາດຈະໄດ້ຊູຂັນແຊ໊ມຄັ້ງດຽວກັບ ລີກຄັບ 2008 ແຕ່ ເມື່ອຢູໃນສະໜາມທຸກນັດລາວຈະມີຄວາມເປັນຜູ້ນຳ ແລະ ຄອຍ ບັນຊາເກມໄດ້ຢ່າງດີເດັ່ນ ລວມ ເຖິງສາມາດສ້າງຄວາມຫວັນ ໄຫວໃຫ້ກັບກອງໜ້າຄູ່ແຂ່ງທຸກ ຄົນ.10. ເອຣິກ ຄັນໂຕນາ: ມີນັກເຕະຫຼາຍຄົນທີ່ໄດ້ຊູຂັນແຊ໊ມໃຫ້ກັບ ແມນເຊສເຕີ ຢູໄນເຕັດ ໃນຖານະຫົວໜ້າທີມທັງ ເນມານ ຍາ ວິດິດ, ໄຣອັນ ກິ໊ກ ແລະ ແກຣີ ເນວິລ ເປັນຕົ້ນ ແຕ່ໜຶ່ງໃນຄົນທີ່ ເປັນແຮງບັນດານໃຈຫຼາຍທີ່ສຸດຄື ເອຣິກ ຄັນໂຕນາ.ດາວເຕະຊາວ ຝຣັ່ງ ອາດ ຈະບໍ່ໄດ້ເປັນຄົນຊູຂັນແຊ໊ມຫຼາຍ ປານໃດ ເນື່ອງຈາກເປັນຫົວໜ້າ ທີມພຽງ 1 ລະດູການ 1996-97 ກ່ອນອຳລາວົງການ ແຕ່ ລອງໄປຖາມນັກເຕະຢ່າງ ເນວິລ, ກິ໊ກ ຫຼື ເດວິດ ເບັກແຮມ ເບິ່ງໄດ້ ເລີຍວ່າຮູ້ສຶກແນວໃດກັບ ຄັນໂຕ ນາ ໃນເວລານັ້ນ ແລ້ວທ່ານຈະຮູ້ ວ່າເປັນຫຍັງລາວເຖິງຕິດທ໊ອບ ເທນ.