ທຣຳ ອາດ ອະໄພຍະໂທດໃຫ້ຫຼາຍຮ້ອຍຄົນ ແຕ່ຈະບໍ່ອະໄພຍະໂທດໃຫ້ກັບໂຕເອງ

ລາຍງານຂ່າວຈາກຕ່າງປະເທດ ວັນທີ 18 ມັງກອນນີ້ ໃຫ້ຮູ້ວ່າ ໂດນັລທຣຳ ອາດຈະອະໄພຍາໂທດໃຫ້ຫຼາຍກວ່າ 100 ຄົນໃນວັນທີ 19 ມັງກອນນີ້ ແຕ່ຈະບໍ່ອະໄພຍາໂທດໃຫ້ກັບຕົນເອງ.

ຣອຍເຕີ ໂດຍອ້າງແຫຼ່ງຂ່າວຈາກ ທຳນຽບຂາວ ໃຫ້ຮູ້ວ່າ ວັນທີ 17 ມັງກອນນີ້, ທຣຳ ໄດ້ພົບປະກັບທີ່ປຶກສາຂອງຕົນ ເພື່ອຂຶ້ນລາຍຊື່ຜູ້ທີ່ຈະໄດ້ຮັບອະໄພຍາໂທດຫຼາຍກວ່າ 100 ຄົນ ແລະ ຜູ້ທີ່ຈະໄດ້ຮັບການຜ່ອນໂທດໃຫ້ສະເລັດ ກ່ອນຈະສິ້ນສຸດວາລະຂອງຕົນ.

ພ້ອມດຽວກັນນັ້ນ ເຂົາຍັງໄດ້ປຶກສາກັບທີ່ປຶກສາວ່າ ຈະຄວນ ອະໄພຍາໂທດໃຫ້ກັບໂຕເອງ ຫຼື ບໍ່ ແຕ່ໃນທີ່ສຸດກໍປາກົດວ່າ ເຂົາຈະບໍ່ອະໄພຍາໂທດໃຫ້ກັບຕົນເອງ ແລະ ສະມາຊິກໃນຄອບຄົວ.

ແຫຼ່ງຂ່າວຕ່າງໆ ໃຫ້ຮູ້ວ່າ ຄຳສັ່ງອະໄພຍາໂທດ ຫຼ້າສຸດຂອງ ທຣຳ ຄາດວ່າຈະມີຂຶ້ນໃນວັນທີ 20 ມັງກອນນີ້ ຊຶ່ງເປັນເວລານາທີສຸດທ້າຍໃນວາລະຂອງ ທຣຳ ທີ່ຍັງຢູ່ໃນທຳນຽບຂາວ ແລະ ກໍເປັນວັນເວລາທີ່ ໂຈໄບເດັນ ສະບານຕົວເຂົ້າຮັບຕຳແໜ່ງ.