ເຈົ້າໜ້າທີ່ຍຶດຢາບ້າໄດ້ ຈໍານວນ 55 ເປົາ ຫລື 5.474.000ເມັດ

ອີງຕາມຂ່າວໜັງສືພິມ ແຂວງບໍ່ແກ້ວ ວັນທີ 18 ມັງກອນ 2021 ໃຫ້ຮູ້ວ່າ: ວັນທີ 15 ມັງກອນ 2021 ເຈົ້າໜ້າທີ່ ປກສ ເມືອງ ຕົ້ນເຜິ້ງ ສົມທົບກັບ ປກສ ແຂວງ ບໍ່ແກ້ວ ສະກັດຈັບກຸ່ມລົດເປົ້າໝາຍ ຢູ່ເສັ້ນທາງສະຫວ່າງບ້ານໃຫຍ່ ຕົ້ນເຜິ້ງ ຫາສີເມືອງງາມ ສາມາດຈັບໄດ້ກັກຜູ້ຖືກຫາ 4 ຄົນ ຄື: ທ້າວ ຕົງເຮີ ອາຍຸ 22 ປີ, ຊົນເຜົ້າມົ້ງ, ຢູ່ບ້ານ ຈຽງຕອງ ເມຶືອງ ປາກທາ ແຂວງ ບໍ່ແກ້ວ. ທ້າວ ຊົວວາ ອາຍຸ 24 ປີ, ຊົນເຜົ່າມົ້ງ, ຢູ່ບ້ານ ຈຽງຕອງ ເມືອງ ປາກທາ. ທ້າວ ດົງເຮີ ອາຍຸ 19 ປີ, ຊົນເຜົ່າມົ້ງ ບ້ານຈຽງຕອງ ເມືອງ ປາກທາ. ທ້າວ ໄຊທໍ່ ອາຍຸ 19 ປີ, ຊົນເຜົ່າມົ້ງ ບ້ານ ອຸດົມ ເມືອງ ຫ້ວຍຊາຍ ແຂວງ ບໍ່ແກ້ວ ພ້ອມກາງ ຢາບ້າໄດ້ ຈໍານວນ 55 ເປົາ ເປັນມັດ  2.737 ມັດ ຫຼື 5.474.000ເມັດ, ລົດໃຫຍ່ 2 ຄັນ ແລະ ອີກຄັນໜຶ່ງແມ່ນໄດ້ຫຼົບໜີ, ຢຶດໂທລະສັບ 8 ໜ່ວຍ, ປືນ 9 ມມ 1 ກະບອກ ພ້ອມລູກ 15 ລູກ, ສາຍຄໍຄໍາ 1 ເສັ້ນ ສ່ວນຜູ້ຖືກຫາທາງເຈົ້າໜ້າທີ່ຈະໄດ້ກັກຕົວ ແລະ ທຳການສືບສວນ – ສອບສວນ ເພື່ອຂະຫຍາຍຜົນຕໍ່ໄປ.