ການທີ່ລັດຖະບານ ທຣຳ ເອົາ Xiaomi ເຂົ້າໃນ “ບັນຊີດຳ” ໄດ້ເຮັດໃຫ້ຜູ້ນຳ Xiaomi ເສຍຫາຍຢ່າງໜັກ ເພາະ ຫຸ້ນຕົກຕໍ່າ.

      Theo Bloomberg Billionaires Index ໃຫ້ຮູ້ວ່າ ຊັບສິນຂອງ Lei Jun – CEO ຜູ້ຮ່ວມກໍ່ຕັ້ງບໍລິສັດ ອຸປະກອນໄຟຟ້າ Xiaomi ຂອງຈີນ ເສຍຫາຍເກືອບ 3 ຕື້ໂດລາໃນວັນທີ 15 ມັງກອນນີ້. ໃນຂະນະທີ່ຫຸ້ນຂອງເຂົາຕົກຕໍ່າເປັນປະຫວັດການ 10,26% ໃນຕະຫຼາດ ຮົງກົງ, Lei ຄອບຄອງຫຸ້ນຫຼາຍກວ່າ ¼ ຫຸ້ນໃນ Xiaomi. ໃນຂະນະນີ້ ເຂົາມີມູນຄ່າຊັບສິນທັງໝົດ 28,2 ຕື້ໂດລາ.

      Lei ເປັນເສດຖີເງິນຕື້ອັນດັບ 4 ຂອງຈີນ, ຖັດຈາກ ແຈັກມາ. ເຈົ້າຂອງບໍລິສັດ Alibaba ເສຍຫາຍເກືອບ 10 ຕື້ໂດລາ ນັບແຕ່ ມື້ຖືກເຈົ້າໜ້າທີ່ຄວບຄຸມແຕ່ເດືອນ ຕຸລາ ເປັນຕົ້ນມາ.

      Lin Bin ຮອງປະທານບໍລີສັດ Xiaomi  ສູນເສຍ 1,5 ຕື້ໂດລາ. ຊັບສິນຢ່າງໜ້ອຍຂອງເສດຖີ ຜູ້ຖືຫຸ້ນ 5 ຄົນໃນບໍລິສັດ Xiaomi ກໍກຳລັງລົງຄ້ອຍເຊັ່ນດຽວກັນ.

      ເຖິງແມ່ນໄລຍະມໍ່ໆ ມານີ້ ເຈົ້າໜ້າທີ່ຈະຄວບຄຸມ ແລະ ຫຼາຍບໍລິສັດຂອງຈີນຖືກສະຫະລັດເອົາຊື່ເຂົ້າໃນບັນຊີດຳ ກໍຕາມ ແຕ່ Xiaomi ກໍຍັງມີການເຕີບໂຕໄດ້ດີ.

      ໃນໄຕມາດ III/2020 ບໍລິສັດ Xiaomi ໄດ້ແຊງໜ້າຕົວເລກ  Apple ຂາຍ ສະມາດໂຟນ ແລະ ຍັງໄດ້ກຳໄລອີກສ່ວນໜຶ່ງຈາກ Huawei Technologies  ຊຶ່ງຖືກສະຫະລັດລົງໂທດປັບໃໝ. ຫຸ້ນຂອງບໍລິສັດ Xiaomi ຕົກຕໍ່າ ແລະ ປິດປະຕູໄປ. ເດືອນກ່ອນໜ້ານີ້, ເງິນທຶນຂອງບໍລິສັດດັ່ງກ່າວຍັງເພີ່ມຂຶ້ນຫຼາຍກວ່າ 100 ຕື້ໂດລາ.

      ເຖິງຢ່າງໃດກໍຕາມ, ເມື່ອຖືກ ທຣຳ ປິດລ້ອມ ໄດ້ເຮັດໃຫ້ ຜົນງານຂອງ Xiaomi ຫຼຸດລົງຢ່າງຮ້າຍແຮງ. ວັນທີ 14 ມັງກອນ ທຳນຽບ 5 ແຈ ໄດ້ເອົາ Xiaomi ພ້ອມກັບ 8 ບໍລິສັດອື່ນອີກຂອງຈີນ ເຂົ້າໃນບັນຊີດຳ ທີ່ເຂົາອ້າງວ່າພົວພັນກັບກອງທັບ, ນັກທຸລະກິດ ສະຫະລັດຈຳຕ້ອງໄດ້ຖອນທຶນອອກຈາກບໍລິສັດດັ່ງກ່າງຂອງຈີນ ແຕ່ວັນທີ 11 ພະຈິກ 2020.

      ທ່າທີດັ່ງກ່າວ ໄດ້ເຮັດໃຫ້ນັກລົງທຶນຫຼາຍຄົນເກີດຄວາມເປັນຫ່ວງ ແຕ່ Xiaomi ຊໍ້າປະຕິເສດວ່າບໍ່ໄດ້ຖືກທະຫານຢຶດ ຫຼື ຄວບຄຸມແຕ່ຢ່າງໃດ ແລະ ໃຫ້ຮູ້ວ່າ: ໄດ້ມີການປ້ອງກັນທີ່ເໝາະສົມ ເພື່ອປ້ອງກັນຜົນປະໂຫຍດຂອງບໍລິສັດ ແລະ ຜູ້ຖືຫຸ້ນໄວ້ແລ້ວ.