ເມສຊີ ຕໍ່ສັນຍາກັບ ບາເຊໂລນາ ຈົນເຖິງປີ 2021

ສຳນັກຂ່າວຕ່າງປະເທດ ລາຍງານວ່າ ລິໂອເນລ ເມສຊີ ດາວເຕະຊື່ດັງຊາວ ອາເຈນຕິນາ ບັນລຸຂໍ້ຕົກລົງໃນການເຊັນສັນຍາໃໝ່ກັບ ບາເຊໂລນາ ອີກ 4 ປີ ເຊິ່ງຈະເຮັດໃຫ້ລາວຢູ່ໃນຖິ່ນ ຄຳ ນູ ໄປຈົນເຖິງປີ 2021.
ໂດຍກ່ອນໜ້ານີ້ ເມສຊີ ເຫຼືອ ສັນຍາຢູ່ກັບ ບາເຊໂລນາ ຈົນເຖິງ ປີ 2018 ເທົ່ານັ້ນ ທ່າມກາງຂ່າວ ລືທີ່ເຂົ້າມາຢ່າງຕໍ່ເນື່ອງວ່າດາວ ເຕະອາຍຸ 30 ປີ ຄົນນີ້ອາດຈະຕັດ ສິນໃຈຍ້າຍອອກຈາກທີມ ຫຼັງ ຖືກຂໍ້ຫາໜີພາສີ.
ແຕ່ຫຼ້າສຸດ ສະໂມສອນ ບາ ເຊໂລນາ ໄດ້ປະກາດຢືນຢັນວ່າ ລິໂອເນລ ເມສຊີ ຕັດສິນໃຈຕໍ່ສັນ ຍາສະບັບໃໝ່ກັບຕົ້ນສັງກັດອອກໄປອີກຄັ້ງ ຈົນເຖິງປີ 2021 ພ້ອມ ກັບຕັ້ງເງື່ອນໄຂຄ່າຈີກສັນຍາເອົາໄວ້ສູງເຖິງ 300 ລ້ານເອີໂຣ.
ສຳລັບ ເມສຊີ ກວາດແຊ໊ມ ລາລີກາກັບຕົ້ນສັງໄປແລ້ວເຖິງ 8 ສະໄໝ, ຢູຟາ ແຊ໊ມປຽນລີກ 4 ສະໄໝ ແລະ ແຊ໊ມບານເຕະສະ ໂມສອນໂລກ 3 ສະໄໝ.