ສຳມະນາຄວາມຮູ້ກ່ຽວກັບສຸຂະພາບຈິດ

ໃນວັນທີ 6 ກໍລະກົດນີ້, ພະ ແນກສາທາລະນະສຸກນະຄອນ ຫລວງວຽງຈັນຮ່ວມກັບອົງ ການເບຊິກນີສ ປະຈໍາລາວ, ໄດ້ຈັດກອງປະຊຸມສໍາມະນາ ຄວາມຮູ້ກ່ຽວກັບສຸຂະພາບຈິດ, ຂຶ້ນທີ່ສູນວິໄຈພະຍາດຊຶມເຊື້ອ ລາວ-ຄຣິດສຕົຟ ເມຣີເອີ, ໂດຍ ການເປັນປະທານຂອງ ທ່ານ ພອນປະເສີດ ອຸນາພົມ ຫົວໜ້າພະ ແນກສາທາລະນະສຸກນະຄອນ ຫລວງ, ມີບັນດາຊ່ຽວ ຊານ ແລະ ແພດໝໍດ້ານສຸຂະພາບຈິດຈາກ ໂຮງໝໍສູນກາງເຂົ້າຮ່ວມຢ່າງ ພ້ອມພຽງ.

+ ເຊກອງສຳມະນາການຈົດທະບຽນຕະຫລາດຫລັກຊັບ

+ ສຳມະນາກອນຈຳນວນ 15 ທ່ານ ສຳເລັດການຝຶກອົບຮົມຄູຝຶກຟຸດຊໍ

ທ່ານ ຈັນທາຣາວາດີ ຈຸລາມະນີ ຈິດຕະແພດຫົວໜ້າ ອົງການ ເບຊິກນີສ ໃຫ້ຮູ້ວ່າ: ສຸ ຂະພາບຈິດແມ່ນສະພາບຂອງ ຄວາມຜາສຸກທີ່ທຸກຄົນຮູ້ເຖິງທ່າ ແຮງຂອງຕົນເອງ, ສາມາດ ຮັບ ມືກັບຄວາມຄຽດ ປົກກະຕິ ຂອງ ຊີວິດ, ສາມາດເຮັດວຽກໄດ້ ຢ່າງມີປະສິດທິພາບ ແລະ ມີປະ ສິດທິຜົນ, ມີ ສ່ວນຮ່ວມກັບຊຸມ ຊົນຂອງຕົນເອງໄດ້, ຄວາມຜິດ ປົກກະຕິທາງຈິດ ມີຫລາຍອາ ການແຕກຕ່າງກັນດ້ານຄວາມຄິດ, ພິຕິກໍາ ແລະ ຄວາມສໍາ ພັນກັບຄົນອື່ນທົ່ວໄປຕົວຢ່າງ: ສກີໂຊເຟຼເນຍ, ຊຶມເສົ້າ, ຄວາມ ພິການທາງສະຕິປັນຍາ ແລະ ການປັ່ນປ່ວນຍ້ອນການ ໃຊ້ ສານເສບຕິດ ແລະ ຍັງມີຄວາມ ຜິດປົກກະຕິຫລາຍຊະນິດທີ່ປະ ສົບຜົນສໍາເລັດໃນການປິ່ນປົວ.

ອົງການອານະໄມໂລກ ໃຫ້ຮູ້ວ່າ: ປະມານ 20% ຂອງ ເດັກນ້ອຍ ແລະ ໄວລຸ້ນທົ່ວໂລກ ທີ່ມີບັນຫາທາງຈິດນັ້ນ, ປະມານ ເຄິ່ງໜຶ່ງແມ່ນເກີດຂຶ້ນກ່ອນ ອາຍຸ 14 ປີ, ຄວາມຜິດປົກກະຕິ ທາງຈິດ ແລະ ການໃຊ້ສານ ເສບຕິດເປັນສາເຫດຂອງຄວາມ ພິການທົ່ວໂລກ.