ຊາວອົບພະຍົບ ຫຼັ່ງໄຫຼ ເຂົາມາຊິດໃກ້ກັບຊາຍແດນ ເພື່ອຈະໄດ້ເຂົ້າໄປໃນສະຫະລັດ

ແຫຼ່ງຂ່າວ ຈາກ ຣອຍເຕີ ໃຫ້ຮູ້ ເມື່ອວັນທີ 17 ມັງກອນນີ້ວ່າ: ຊາວອົບພະຍົບຫຼາຍພັນຄົນ ຈາກ ອາເມລິກາກາງ ແຫ່ແຫນກັນເຂົ້າມາໃກ້ກັບຊາຍແດນຂອງສະຫະລັດ ທີ່ຕິດກັບ ແມັກຊິກໂກ ເພື່ອມີຄວາມຫວັງຈະໄດ້ຂ້າມແດນເຂົ້າໄປໃນສະຫະລັດ ພາຍຫຼັງ ໂຈໄບເດັນຂຶ້ນຮັບຕຳແໜ່ງ ແລະ ມີນະໂຍບາຍໃໝ່ໃນການຮັບເອົາຊາວອົບພະຍົບ.

ເມື່ອວັນທີ 16 ມັງກອນ, ທ່ານ Mark Morgan ເຈົ້າໜ້າທີ່ໃນກົມກວດກາຄົນເຂົ້າ-ອອກເມືອງຂອງສະຫະລັດໃຫ້ຮູ້ວ່າ ມີຊາວອົບພະຍົບ 2 ກຸ່ມລວມຫຼາຍກວ່າ 5.000 ຄົນ ກຳລັງຫຼັ່ງໄຫຼ ກັນເຂົ້າມາໃນສະຫະລັດ ຊຶ່ງລວມເອົາທັງຈຳພວກໜຶ່ງອີກທີ່ຍົກຍ້າຍເຂົ້າໄປຜ່ານຊາຍແດນທາງ Guatemala.

ໜັງສືພິມ Angeles Times ໃຫ້ຮູ້ວ່າ ຮ່າງກົດໝາຍຂອງ ໄບເດັນຈະໃຫ້ “ສັນຊາດອາເມລິກາ” ກັບຊາວຕ່າງປະເທດ 11 ລ້ານຄົນ ທີ່ເຂົ້າເມືອງຜິດກົດໝາຍ ແລະ ກຳລັງດຳລົງຊີວິດຢູ່ໃນສະຫະລັດໃນຂະນະນີ້.