ທຣຳ ເມົາໝັດ ຍັງແຖມຖືກຫ້າມ ຢຽບທຳນຽບຂາວຕະຫຼອດຊີວິດ

ສຳນັກຂ່າວ AP ລາຍງານເມື່ອວັນທີ 14 ມັງກອນນີ້ ໃຫ້ຮູ້ວ່າ ໂດນັລທຣຳ ຖືກໝັດນ໊ອກ ຈາກສະພາຜູ້ແທນປະຊາຊົນ ທີ່ຕັດສິນກ່າວປະນາມໂທດ ທຣຳ ເປັນຄັ້ງທີສອງ ຊຶ່ງອາດຈະເຮັດໃຫ້ ທຣຳ ຕ້ອງຫ່າງຈາກ ທຳນຽບຂາວຕະຫຼອດຊີວິດ.

ການເປັນປະທານາທິບໍດີຕະຫຼອດ 4 ປີທີ່ຜ່ານມາ ທຣຳ ໄດ້ນຳພາປະເທດຊາດ ແຕກຕ່າງກັບປະທານາທິບໍດີຄົນອື່ນໆ. ສະມາຊິກຜູ້ແທນປະຊາຊົນສ່ວນໃຫ່ຍ ແມ່ນຈາກພັກ ເສລີປະຊາທິປະໄຕ ໄດ້ລົງມະຕິກ່າວປະນາມໂທດກຳຂອງ ທຣຳ ດ້ວຍຄະແນນສຽງ 232 ສຽງສະໜັບສະໜູນ ແລະ 197 ສຽງຄັດຄ້ານ. ໃນນັ້ນມີສະມາຊິກພັກ ຣີພັບຣີກັນ ຂອງ ທຣຳເອງ 10 ຄົນ ທີ່ເຂົ້າຂ້າງກັບພັກ ເສລີປະຊາທິປະໄຕ.

ທຣຳ ເປັນປະທານາທິບໍດີໜຶ່ງດຽວຂອງສະຫະລັດທີ່ຖືກ ກ່າວປະນາມໂທດເຖິງສອງຄັ້ງ. ຖືວ່າເປັນໝັດໜັກ ເຮັດໃຫ້ ທຣຳ ໝົດສິດເປັນລັດຖະການອີກຕໍ່ໄປ ກໍເທົ່າກັບວ່າ ຈະບໍ່ໄດ້ເຂົ້າມາຢຽບ ທຳນຽບຂາວອີກຕໍ່ໄປຕົນຕະຫຼອກຊີວິດ.