ຈີນຈຳກັດ ການແຕ່ງດອງ ແລະ ປະເພນີທາງສາສະໜາ ໃນຊົນນະບົດ ເພື່ອ ປ້ອງກັນ ໂຄວິດ-19

ສຳນັກຂ່າວສານ South China Morning Post ລາຍງານເມື່ອວັນທີ 13 ມັງກອນນີ້ວ່າ ລັດຖະບານທ້ອງຖິ່ນທົ່ວປະເທດໃນຈີນ ໃຫ້ຈຳກັດ ການຈັດງານຊາປານາກິດສົບ ຫຼື ສົ່ງສະການ ແລະ ງານແຕ່ງດອງ ລົງເພື່ອປ້ອງກັນການແຜ່ລະບາດຂອງໂຄວິດ-19 ໃນຊົນນະບົດຫ່າງໄກສອກຫຼີກ.

ເຈົ້າໜ້າທີ່ຈິນໃຫ້ຮູ້ວ່າ ໃນອາທິດທີ່ຜ່ານມານີ້, ມີຜູ້ຕິດເຊື້ອໂຄວິດ-19 ຈາກການເຂົ້າຮ່ວມງານສົ່ງສະການ, ງານແຕ່ງດອງ ຢູ່ຕາມທ້ອງຖິ່ນຕ່າງໆໃນທົ່ວປະເທດ ນັບມື້ເພີ່ມຂຶ້ນ.

ການເຂົ້າຮ່ວມງານສົ່ງສະການ ແລະ ງານແຕ່ງດອງ ແມ່ນປະເພນີທີ່ສຳຄັນໃນວັດທະນະທຳຂອງຈີນ ແຕ່ເພື່ອຫຼີກລ່ຽງ ບໍ່ໃຫ້ມີການຕິດເຊື້ອ ແລະ ແຜ່ລະບາດໄປກວ່ານິີ້ ຄວນຈຳກັດການຈັດງານຕ່າງໆ ດັ່ງກ່າວ. ຖ້າເຂົ້າຮ່ວມກໍຄວນມີສະຕິລະວັງຕົວ ຜູ້ເຂົ້າຮ່ວມງານຕ້ອງປະຕິລັດໄລຍະຫ່າງ ແລະ ໃສ່ຜ້າອັດປາກ-ດັງ ຕະຫຼອດເວລາ, ລ້າງມືເປັນປະຈຳ ແລະ ດີທີ່ສຸດກໍໃຫ້ຫຼຸດຜ່ອນຈຳນວນຄົນເຂົ້າຮ່ວມຈະເປັນການດີ.