ຜົນກະທົບໂຄວິດຕໍ່ການທ່ອງທ່ຽວຢູ່ແຂວງຫລວງພະບາງຫລຸດລົງເຖິງ 68%
ພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວແຂວງຫລວງພະບາງລາຍງານໃຫ້ຮູ້ວ່າ: ໃນປີ 2020 ຜ່ານມານີ້, ຈໍານວນນັກທ່ອງທ່ຽວທີ່ມາ ທ່ຽວແຂວງຫລວງພະບາງມີພຽງແຕ່ 257.647 ຄົນ, ທຽບໃສ່ປີ 2019 ຫລຸດລົງເຖິງ 68% ໂດຍມີຈຳນວນ 860.035 ຄົນ, ເນື່ອງຈາກໄດ້ຮັບຜົນກະທົບຈາກພະຍາດໂຄວິດ-19.
ໃນຈໍານວນນັກທ່ອງທ່ຽວດັ່ງກ່າວ, 142.435 ຄົນແມ່ນຄົນສັນຊາດຕ່າງປະເທດ ແລະ 133.212 ຄົນເປັນຄົນລາວ. ເຊິ່ງນະຄອນຫລວງພະບາງຍັງຕິດອັນດັບທີ 11 ໃນບັນຊີລາຍຊື່ປະຈໍາປີຂອງ Architectural Digest ກ່ຽວກັບ 20 ສະຖານທີ່ທີ່ໜ້າທ່ອງທ່ຽວທີ່ສຸດໃນປີ 2020.
ແຂວງຫລວງພະບາງມີໂຮງແຮມ ແລະ ຣີສອດ 97 ແຫ່ງ, ເຮືອນພັກ 394 ແຫ່ງ, ຮ້ານອາຫານ 421 ແຫ່ງ ແລະ ບໍລິສັດທ່ອງທ່ຽວ 97 ບໍລິສັດ, ມີສະຖານທີ່ທ່ອງທ່ຽວທາງທໍາມະຊາດ 111 ແຫ່ງ, ດ້ານວັດທະນະທໍາ 78 ແຫ່ງ ແລະ ທາງປະຫວັດສາດ 39 ແຫ່ງ, ບັນດາສະຖານທີ່ ທ່ອງທ່ຽວທີ່ມີຊື່ສຽງພາຍໃນແຂວງຄື: ພະທາດພູສີ, ວັດຊຽງທອງ, ນ້ຳຕົກຕາດແສ້, ນ້ຳຕົກຕາດກວາງຊີ ແລະ ຕະຫລາດກາງຄືນ.
