ສະຫະລັດເພີກຖອນຂໍ້ຕົກລົງ ປິດລ້ອມ 3 ບໍລີສັດໂທລະຄົມມະນາຄົມຂອງຈີນ
NYSE ໃຫ້ຮູ້ ເມື່ອວັນທີ 5 ມັງກອນນີ້ວ່າ ສະຫະລັດຈະບໍ່ປິດລ້ອມ 3 ເຄືອຂ່າຍ ໂທລະຄົມມະນາຄົມເຊັ່ນ: China Mobile, China Telecom ແລະ China Unicom Hong Kong ຂອງຈີນອີກຕໍ່ໄປ.
ຂໍ້ຕົກລົງດັ່ງກ່າວມີຂຶ້ນພຽງ 4 ວັນ ພາຍຫຼັງຕະຫຼາດຫຼັກຊັບ ນິວຢອກ(NYSE) ແຈ້ງການວ່າ ຈະຍົກເລີກ ຫຸ້ນຂອງ 3 ບໍລິສັດໂທລະຄົມມະນາຄົມທີ່ໃຫ່ຍທີ່ສຸດຂອງຈີນ ຕາມຄຳສັ່ງຂອງ ທຣຳ.
ຈາກຂ່າວດີດັ່ງກ່າວ ຫຸ້ນຂອງບໍລິສັດ China Mobile, China Telecom ແລະ China Unicom Hong Kong ພຸ່ງຂຶ້ນ 7% ໃນຕະຫຼາດຫຼັກຊັບຂອງ ຮົງກົງ. ການປະກາດຢ່າງກະທັນຫັນຂອງ NYSE ເຮັດໃຫ້ຜູ້ລົງທຶນຂາຍຫຸ້ນຂອງ 3 ບໍລິສັດດັ່ງກ່າວຕົກຢູ່ໃນສະພາບຈົນຕາແຈ ແລະ ມີຄວາມຫຍຸ້ງຍາກໃນການແຂ່ງຂັນກັບບໍລິສັດຂອງຈີນ.
ໃນອາທິດທີ່ຜ່ານມາ NYSE ປະກາດວ່າ ຫຸ້ນຂອງ 3 ກຸ່ມບໍລິສັດດັ່ງກ່າວຂອງຈີນ ຈະຖືກຢຸດຕິການເຄື່ອນໄຫວທຸລະກຳທາງການເງິນນັບແຕ່ວັນທີ 7 ມັງກອນ ຫາ ວັນທີ 11 ມັງກອນ ເພາະຖືກປິດລ້ອມ. ອັນນີ້ມັນສະແດງໃຫ້ເຫັນສົງຄາມທາງການເມືອງທີ່ເພີ່ມຂຶ້ນລະຫວ່າງສະຫະລັດ ແລະ ຈີນ.
ໃນລະຫວ່າງເດືອນພະຈິກ 2020 ທີ່ຜ່ານມາ ປະທານາທິບໍດີ ໂດນັລທຣຳ ໄດ້ອອກຄຳສັ່ງຫ້າມລົງທຶນໃນບໍລິສັດຂອງຈີນ ເພື່ອກົດດັນ ປັກກິ່ງ. ໃນຄຳສັ່ງດັ່ງກ່າວຫ້າມນັກລົງທຶນຂອງສະຫະລັດ ຊື້-ຂາຍຫຸ້ນຈາກບໍລິສັດຂອງຈີນທີ່ນອນຢູ່ໃນບັນຊີດຳ ທີ່ພົວພັນກັບກອງທັບ. ຂະນະນີ້ມີ 31 ບໍລິສັດຂອງຈີນທີ່ນອນຢູ່ໃນບັນຊີດຳຂອງສະຫະລັດ.
