ສະຫວັນນະເຂດ-ເທື່ອທຽນເຫ້ວ ເພີ່ມທະວີວຽກງານປ້ອງກັນຄວາມສະຫງົບ
ກອງປະຊຸມພົບປະແລກ ປ່ຽນວຽກງານປ້ອງກັນຄວາມ ສະຫງົບລະຫວ່າງກອງບັນຊາ ການ ປກສ ແຂວງສະຫວັນນະ ເຂດ ສປປ ລາວ ແລະ ກອງບັນ ຊາການຕຳຫລວດແຂວງເທື່ອ ທຽນເຫ້ວ ສສ.ຫວຽດນາມ, ໄດ້ ມີຂຶ້ນເມື່ອບໍ່ດົນນີ້ຢູ່ແຂວງເທື່ອ ທຽນເຫ້ວ, ເພື່ອສະຫລຸບຕີລາຄາ ການຈັດຕັ້ງປະຕິບັດວຽກງານ ໃນໄລຍະໜຶ່ງປີຜ່ານມາ, ໂດຍ ການ ເປັນປະທານຮ່ວມ ຂອງ ທ່ານພັນເອກ ຄຳພົນ ສີຫາປັນຍາ ຫົວໜ້າກອງບັນຊາການ ປກສ ແຂວງສະຫວັນນະເຂດ ແລະ ທ່ານພັນເອກ ເລ ກວັກ ຮຸ່ງ ຫົວ ໜ້າກອງບັນຊາການຕຳຫລວດແຂວງເທື່ອ ທຽນ ເຫ້ວ, ໂດຍ ສອງຝ່າຍໄດ້ຜັດປ່ຽນກັນຂຶ້ນ ລາຍງານສະພາບການຕ່າງໆ ຂອງແຂວງຕົນໂດຍສະເພາະ ສະພາບການເມືອງ, ເສດຖະ ກິດ, ບັນຫາຢາເສບຕິດ, ຄ້າ ຂາຍເຖື່ອນ ແລະ ບັນຫາ ຊາຍ ແດນທີ່ໄດ້ສົ່ງຜົນກະທົບຕໍ່ ສອງປະເທດເວົ້າລວມ, ເວົ້າ ສະເພາະແມ່ນແຂວງ ສະຫວັນ ນະເຂດ ແລະ ເທື່ອທຽນເຫ້ວ ເພື່ອພ້ອມກັນຄົ້ນຄວ້າຮູບການ ເຄື່ອນໄຫວຂອງ ກຸ່ມຄົນບໍ່ດີ ເພື່ອຊອກວິທີແກ້ໄຂຢ່າງທັນການ ເປັນຕົ້ນ: ການ ເຄື່ອນໄຫວຂອງ ບັນດານັກສຶບສອດແນມ ແລະ ຜູ້ກໍ່ການຮ້າຍຕ່າງໆນອກຈາກ ນີ້, ສອງຝ່າຍຍັງໄດ້ປຶກສາຫາ ລືເພື່ອເພີ່ມ ທະວີການ ແລກປ່ຽນບົດຮຽນ ແລະ ຂໍ້ມູນຂ່າວສານ, ຮ່ວມມືສະກັດກັ້ນ ແລະ ຕ້ານຢາ ເສບຕິດ, ເພີ່ມທະວີສຶກສາອົບ ຮົມການຄຸ້ມຄອງພົນລະເມືອງ ຢູ່ລຽບຕາມຊາຍແດນໃຫ້ຕື່ນຕົວ ເຄົາລົບລະ ບຽບກົດໝາຍ ແລະ ຮີດຄອງປະເພນີ ຂອງແຕ່ ລະປະເທດ, ປະຕິບັດການເຂົ້າ- ອອກເມືອງໃຫ້ຖືກ ຕ້ອງຕາມລະ ບຽບກົດໝາຍ ຢ່າງເຂັ້ມງວດ ເພື່ອແນ ໃສ່ຮັບປະກັນຄວາມ ສະຫງົບ, ຄວາມເປັນລະບຽບ ຮຽບຮ້ອຍຕາມຊາຍແດນ, ເຮັດ ໃຫ້ແຂວງສະຫວັນນະເຂດ ແລະ ແຂວງເທື່ອທຽນເຫ້ວ ເປັນ ຊາຍແດນແຫ່ງສັນຕິພາບ, ມິດ ຕະພາບ ແລະ ພ້ອມກັນຮັກສາ ຄວາມສະຫງົບເພື່ອກຽມຄວາມພ້ອມໃສ່ກອງປະຊຸມຕ່າງໆທີ່ ຈະໄຂຂຶ້ນໃນໄວໆນີ້.
+ ລາວ-ຫວຽດນາມແລກປ່ຽນບົດຮຽນ ວຽກງານແຜນການ-ການເງິນ
+ 40 ປີແຫ່ງການພົວພັນຮ່ວມມືທີ່ມີຜົນລະຫວ່າງກະຊວງແຮງງານ ແລະ ສະຫວັດດີການສັງຄົມ ລາວ-ຫວຽດນາມ
+ ເປີດຂຶ້ນແລ້ວງານວາງສະແດງສິນຄ້າລາວ-ຫວຽດ ທີ່ນະຄອນຫຼວງວຽງຈັນ
