ແຜ່ນດິນໄຫວຂະໜາດໃຫ່ຍໃນ Croatia ເຮັດໃຫ້ ຕຶກ ອາຄານ ຫຼາຍຫຼັງຫັກພັງ

ອີງຕາມແຫຼ່ງຂ່າວຈາກ Al Jazeera ແລະ RT ວັນທີ 30 ທັນວາລາຍງານວ່າ ໄດ້ເກີດເຫດແຜ່ນດິນໄຫວຢ່າງຮຸນແຮງຢູ່ທາງພາກກາງຂອງ Croatia, ຄວາມແຮງສັ່ນສະເທືອນວັດແທກໄດ້ 6,5 ຣິກເຕີ, ເຮັດໃຫ້ຕຶກ ອາຄານຫຼາຍຫຼັງຖືກຫັກພັງ. ສອງປະເທດຢູ່ໃກ້ຄຽງກັບ Croatia ເຊັ່ນ: Serbia ແລະ Bosnia ກໍຮູ້ສຶກໄດ້.

ເມືອງ Petrinja ໄດ້ຮັບຜົນກະທົບໜັກກວ່າໝູ່. ຂ່າວທ້ອງຖິ່ນລາຍງານວ່າ ແຜ່ນດິນໄຫວຄັ້ງນີ້ໄດ້ເອົາຊີວິດຂອງພວກເດັກໆ ຈຳນວນໜຶ່ງໄປ.

ເຈົ້າເມືອງ Petrinja ທ່ານ Darinko Dumbovic ໃຫ້ຮູ້ວ່າ ມີໂຮງລ້ຽງເດັກ 2 ຫຼັງຖືກຫັກພັງ ແຕ່ໂຊກດີ ໜຶ່ງໃນສອງຫຼັງນັ້ນບໍ່ມີເດັກຢູ່ ສ່ວນອີກຫຼັງໜຶ່ງແມ່ນ ອົບພະຍົບເດັກອອກທັນ

ນາຍົກລັດຖະມົນຕີຂອງ Croatia ທ່ານ Andrej Plenkovic ໄດ້ລົງໄປເມືອງ Petrinja ດ້ວຍຕົນເອງ ເພື່ອປະເມີນສະຖານະການ.