ລັດຖະບານ ອິນໂດເນເຊຍ ຫ້າມນັກທ່ອງທ່ຽວຕ່າງປະເທດທັງໝົດ ເດີນທາງເຂົ້າປະເທດ

ແຫຼ່ງຂ່າວຕ່າງປະເທດ ລາຍງານໃຫ້ຮູ້ໃນຕອນເຊົ້າຂອງວັນທີ 29 ທັນວານີ້ວ່າ ລັດຖະບານອິນໂດເນເຊຍຫ້າມນັກທ່ອງທ່ຽວຕ່າງປະເທດເດີນທາງເຂົ້າມາໃນ ອິນໂດເນເຊຍ ເປັນເວລາ 2 ອາທິດ ເພື່ອສະກັດກັ້ນການແຜ່ລະບາດຂອງເຊື້ອໄວຣັດ ໂຄວິດ-19 ສາຍພັນໃໝ່. ໂດຍຈະມີຜົນບັງຄັບໃຊ້ແຕ່ວັນທີ 1 ມັງກອນປີ 2021 ເປັນຕົ້ນໄປ.

ຄຳສັ່ງຫ້າມເດີນທາງເຂົ້າປະເທດຂອງລັດຖະບານຂອງອິນໂດເນເຊຍ ຫຼ້າສຸດຈະມີຜົນບັງຄັບໃຊ້ຕໍ່ຜູ້ເດີນທາງມາຈາກຕ່າງປະເທດທັງໝົດ ຍົກເວັ້ນ ເຈົ້າໜ້າທີ່ລະດັບສູງຂອງລັດຖະບານຕ່າງປະເທດ.

ຄຳສັງດັ່ງກ່າວມີຂຶ້ນ ຫຼັງຈາກ ກ່ອນໜ້ານີ້ ອິນໂດເນເຊຍ ຫາກໍຫ້າມຜູ້ທີ່ເດີນທາງຈາກ ອັງກິດ ເຂົ້າປະເທດຫຼັງພົບ ວ່າອັງກິດມີການແຜ່ລະບາດຂອງໄວຣັດໂຄວິດ-19 ກາຍພັນ ຊຶ່ງມີການແຜ່ລະບາດໄວກວ່າເກົາເຖິງ 70% ລວມທັງໄດ້ອອກມາດຕະການຄຸມເຂັ້ມ ສຳລັບຜູ້ເດີນທາງຈາກ ເອີຣົບ ແລະ ອອສເຕເລຍ