ສັກທົດລອງວັກຊີນ ປ້ອງກັນໂຄວິດ ກາຍພັນຊະນິດໃໝ່

ວັນທີ 22 ທັນສານີ້, ບໍລິສັດ Pfizer ແລະ ບໍລິສັດ Moderna ລາຍງານວ່າ ໄດ້ສັກທົດລອງວັກຊີນໂຄວິດ-19 ຂອງພວກເຂົາ ກັບໂຄວິດກາຍພັນ ຈະໄດ້ຜົນ ຫຼື ບໍ. ບໍລິສັດ Moderna ຕັ້ງຄວາມຫວັງວ່າ ວັກຊີນຂອງພວກຕົນຈະມີຜົນຕໍ່ ໂຄວິດກາຍພັນ ທີ່ເກີດຂຶ້ນຢູ່ໃນອັງກິດ ໄດ້ ແລະ ຈະສືບຕໍ່ສັກຕື່ມອີກໃນອາທິດທີ່ຈະມາເຖິງນີ້.

ສ່ວນບໍລິສັດ Pfizer ກຳລັງຊອກຮູ້ຕື່ມອີກ ວ່າເລືອດທີ່ເອົາມາຈາກຜູ້ທີ່ສັກວັກຊີນແລ້ວນັ້ນ ຈະສາມາດຕ້ານທານກັບໂຄວິດກາຍພັນໃໝ່ໄດ້ ແນວໃດ. ເຖິງຢ່າງໃດກໍຕາມ ທ່ານ Ugur Sahin ຫົວໜ້າບໍລິສັດ BioNTech ຂອງເຢຍລະມັນ ຊຶ່ງເປັນຄູ່ຮ່ວມມືພັດທະນາຂອງ Pfizer ກໍຢືນຢັນເຖິງຄວາມສາມາດ ຜະລິດຕະພັນຂອງຕົນຈະສາມາດຕ້ານກັບໂຄວິດກາຍພັນໃໝ່ໄດ້ ໃນລະດັບສູງພໍສົມຄວນ ເພາະ protein ຂອງໂຄວິດກາຍພັນມີຮູບຮ່າງຄ້າຍກັບ ໂຄວິດສາຍພັນເກົ່າເຖິງ 99%. ທ່ານ Sahin ກ່າວຕື່ມວ່າ: ຖ້າຫາກມີຄວາມຈຳເປັນ ບໍລິສັດ BioNTech ອາດຈະມີການປັບປ່ຽນ ດັດແປງເລັກນ້ອຍພາຍໃນ 6 ອາທິດ ກໍຈະໄດ້ວັກຊີນທີ່ເໝາະສົມກັບໂຄວິດກາຍພັນສະນິດໃໝ່.

ເຖິງຢ່າງໃດກໍດີ, ໂຄວິດກາຍພັນຊະນີດໃໝ່ນີ້ ມີການແຜ່ກະຈາຍໄວກວ່າ 70% ທຽບໃສ່ສາຍພັນເກ່ົາ ແຕ່ຄວາມອັນຕະລາຍບໍ່ສູງເທົ່າກັບສາຍພັນເດີມຂອງມັນ.