ສາທາເມັກຊິໂກຈ້າງນັກມວຍປ້ຳຍ່າງຂູ່ປະຊາຊົນ ໃຫ້ໃສ່ຜ້າປິດປາກ-ດັງ
December 25, 2020 - 10:26 AM
ຫລາຍປະເທດປະສົບບັນຫາປະຊາຊົນບໍ່ປະຕິບັດຕາມມາດຕະການປ້ອງກັນໂຄວິດຂອງປະເທດຕົນເອງ ລວມທັງເມັກຊິໂກ, ຫລ້າສຸດເຈົ້າໜ້າທີ່ກະຊວງສາທາລະນະສຸກຂອງເມັກຊິໂກໄດ້ຈ້າງນັກມວຍປ້ຳມືອາຊີບ 6 ຄົນ ລົງພື້ນທີ່ບັງຄັບໃຫ້ປະຊາຊົນໃສ່ຜ້າປິດປາກ-ດັງໃນພື້ນທີ່ສາທາລະນະ.
ທັງນີ້, ການຈ້າງນັກມວຍປ້ຳລົງພື້ນທີ່ບັງຄັບປະຊາຊົນໃຫ້ໃສ່ຜ້າປິດປາກ-ດັງເປັນໂຄງການປຸກລະດົມ ແລະ ເຊີນຊວນໃຫ້ປະຊາຊົນໃສ່ຜ້າປິດປາກ-ດັງຢ່າງຖືກຕ້ອງ. ພ້ອມເຕືອນປະຊາຊົນໃນພື້ນທີ່ໃຫ້ໃສ່ຜ້າປິດປາກ-ດັງເພື່ອຊ່ວຍຢັບຢັ້ງການແຜ່ລະບາດໂຄວິດ-19.
ຫລ້າສຸດ ເມັກຊິໂກມີຜູ້ຕິດເຊື້ອໂຄວິດຢູ່ອັນດັບ 14 ຂອງໂລກ, ມີຜູ້ຕິດເຊື້ອແລ້ວຫລາຍກວ່າ 1,3 ລ້ານຄົນ ແລະ ເສຍຊີວິດ 1,2 ແສນກວ່າຄົນ.
