ລັດຖະບານ ອິດສະລາແອນ ພັງທະລາຍ ສະພາຖືກຍຸບ

ສຳນັກຂ່າວຈາກ AP ລາຍງານເມື່ອວັນທີ 23 ທັນວານີ້ວ່າ ລັດຖະບານ ອິດສະລາແອນ ໄດ້ນຳເອົາຜົນພວງຂອງການຂົ່ມຂູ່ມາສູ່ການກຳອຳນາດຂອງນາຍົກລັດຖະມົນຕີ Benjamin Netanyahu ໃນຫຼາຍສິບປີທີ່ຜ່ານມາ.

ທ່ານ Benjamin Netanyahu ມັກຈະກ່າວຫາວ່າ ຄູ່ແຂ່ງຂອງຕົນວ່າເປັນຝ່າຍທີ່ອ່ອນແອ ແຕ່ບັງເອີນເຂົາກໍປະເຊີນໜ້າກັບຜູ້ຊ່ວຍວຽກ 3 ຄົນທີ່ມີທັດສະນະແຂງ ຕ້ານກັບຕົນເອງ. ຫົວໂຈກຂອງກຸ່ມຕໍ່ຕ້ານດັ່ງກ່າວ ແມ່ນນັກກົດໝາຍທີ່ ແຍກຕົວອອກຈາກພັກ ລີກຸດ ຂອງທ່ານ Benjamin Netanyahu ນັ້ນເອງ.

ສະຖານະການຂອງ ອິດສະລາແອນ ໃນຂະນະນີ້ ຖືກຊັກຈູງໂດຍນັກການເມືອງຄົນໜຶ່ງຂອງຝ່າຍຂວາ, ຊຶ່ງເປັນຜູ້ທີ່ມີນະໂຍບາຍຜ່ອນຜັນກັບ ປາແລດສະຕິນ ອັນເຮັດໃຫ້ການເຈລະຈາກັບລັດຖະບານຂອງ ໂຈໄບເດັນ ທີ່ຈະມາເຖິງ ມີຄວາມຫຍຸ້ງຍາກຫຼາຍຂຶ້ນ.

ສ່ວນຝ່າຍເປັນກາງຂອງ ອິດສະລາແອນ ຈະມີຄວາມອ່ອນຕົວກວ່າເກົ່າ ຖ້າທຽບໃສ່ການເລືອກຕັ້ງຄັ້ງກ່ອນ ເພາະ ລັດຖະມົນຕີກະຊວງປ້ອງກັນປະເທດ Benny Gantz  ໄດ້ເຂົ້າຮ່ວມສຳພັນທະມິດກັບ Benjamin Netanyahu ແລ້ວ.

ທ່ານ Benjamin Netanyahu ແລະ ທ່ານ Gantz ສ້າງສຳພັນທະມິດນຳກັນແຕ່ເດືອນ  ພຶດສະພາ 2019 ເປັນຕົ້ນມາ.

ເຖິງຢ່າງໃດກໍຕາມ,ທ່ານ Netanyahu ແລະ Gantz ເກີດຂໍ້ຄັດແຍ່ງ ບໍ່ລົ່ງລອຍກັນໄດ້ ໃນການຈັດສັນງົບປະມານ, ໃນນັ້ນ ທ່ານ Gantz ຈະເປັນຜູ້ຮັກສາການລັດຖະບານຈາກທ່ານ Benjamin Netanyahu ໃນເດືອນ ພະຈິກ 2021.

ຈາການທີ່ບໍ່ລົງລອຍກັນໄດ້ໃນການຈັດສັນງົບປະມານ ກ່ອນເສັ້ນຕາຍໃນວັນທີ 22 ທັນວານີ້ ຈຶ່ງເຮັດໃຫ້ລັດຖະບານແຕກຫັກ ແລະ ນຳໄປສູ່ການຍຸບເລີກສະພາ ເພື່ອກະກຽມເລືອກຕັ້ງໃໝ່ໃນເດືອນ ມີນາ ທີ່ຈະມາເຖິງ.