ຍີ່ປຸ່ນທຸ່ມງົບປະມານມະຫາສານ ໃຫ້ວຽກງານປ້ອງກັນຊາດ

ສຳນັກຂ່າວ ຣອຍເຕີ ລາຍງານ ເມື່ອວັນທີ 21 ທັນວານີ້ວ່າ ກະຊວງປ້ອງກັນປະເທດຂອງ ຍີ່ປຸ່ນ ທຸ່ມງົບປະມານ 5,34 ຕື້ ເຢັນ ໃຫ້ວຽກງານປ້ອງກັນຊາດ ເລີ່ມແຕ່ເດືອນ ເມສາ ປີໜ້າເປັນຕົ້ນໄປ. ຕົວເລກດັ່ງກ່າວເພີ່ມຂຶ້ນ 1,1% ທຽບໃສ່ປີນີ້.

ຍີ່ປຸ່ນຈະຊື້ລູກສອນໄຟວິໄສໄກ ພ້ອມທັງຈະປະກອບອາວຸດຍຸດໂທປະກອນ, ຝຶກແອບທະຫານເພື່ອໂຈມຕີເປົ້າໝາຍທາງໄກ, ຊື້ເຮືອບິນທັນສະໄໝພາຍໃນ 3 ທົດສະຫວັດ ປະມານ 40 ຕື້ໂດລາ ແລະ ຈະສາມາດນຳໃຊ້ເຂົ້າໃນການເຄື່ອນໄຫວໃນປີ 2030.

ຈະພັດທະນາລູກສອນໄຟວິໄສໄກຍິງຕ້ານເຮືອຮົບ ເພື່ອຮັກສາເກາະ Okinawa  ແລະ ຈະຊື້ເຮືອບິນຂັບໄລ່ F-35  6 ລຳ ໃນມຸນຄ່າ 628 ລ້ານໂດລາ. ຜະລິດເຮືອຮົບຂະໜາດນ້ອຍ 2 ລຳ ມູນຄ່າ 912 ລ້ານໂດລາ ແລະ ວຽກງານອື່ນໆ