ແມນເຊສເຕີ ຢູໄນເຕັດ ປະກາດຊື້ ໂມຣາຕາ ວັນພະຫັດນີ້

ແມນເຊສເຕີ ຢູໄນເຕັດ ກຽມປະກາດເຊັນສັນຍາ ອັລວາ ໂຣ ໂມຣາຕາ ກອງໜ້າທີມຊາດ ສະເປນ ມາຈາກ ຣິນ ມາດຣິດ ດ້ວຍລາຄາ 60 ລ້ານປອນ ໃນ ວັນພະຫັດທີ 06 ກໍລະກົດນີ້ ຫຼັງ ຈາກທີ່ຍືດເຍື້ອກັນມາດົນ ຕາມ ການລາຍງານຈາກ “ເດິຊັນ”.
ອັລ ປອງໂຊ ພໍ່ຂອງ ໂມຣາ ຕາ ອາຍຸ 24 ປີ ພ້ອມດ້ວຍ ຮວນ ມາ ໂລເປດ ຜູ້ຈັດການສ່ວນໂຕ ໄດ້ເຈລະຈາກັບໂຕແທນຂອງ ຣິນ ມາດຣິດ ດົນເກືອບຊົ່ວໂມງໃນ ວັນຈັນຜ່ານມາ ເພື່ອຈັດການ ສະຫຼຸບລາຍລະອຽດທັງໝົດ ຂະ ນະທີ່ ໂມຣາຕາ ຍັງຢູ່ໃນໄລຍະ ພັກຜ່ອນ ແຕ່ກໍພ້ອມບີນມາກວດ ຮ່າງກາຍທີ່ ແມນເຊສເຕີ ຢູໄນ ເຕັດ ຢ່າງທັນທີ ຕໍ່ດ້ວຍບີນໄປ ຮ່ວມເຝິກຊ້ອມກັບທີມໝູ່ໃໝ່ທີ່ ລອສ ແອງເຈລິສ.
ຫາກຊື້ ໂມຣາຕາ ໄດ້ສຳ ເລັດໜ້າຈະເຮັດໃຫ້ ໂຮເຊ ມູຣິນ ໂຢ ຍິ້ມອອກໄດ້ຫຼັງຈາກທີ່ບໍ່ພໍໃຈ ຝ່າຍບໍລິຫານເດີນເລື່ອງຊື້ນັກເຕະຊັກຊ້າທັງທີ່ສົ່ງລາຍຊື່ 4 ນັກເຕະ ທີ່ຕ້ອງການໃຫ້ຕັ້ງແຕ່ຕອນຈົບລະດູການໃໝ່ ແຕ່ຫາກໍໄດ້ມາພຽງ ວິກເຕີ ລິນເດເລິຟ ກອງຫຼັງຄົນ ເກັ່ງຈາກ ເບນຟີກາ.