ຮອນ ຢືນຢັນຊະນະ ປາກຽວ ແບບໃສສະອາດ

ເຈຟ ຮອນ ນັດຊົກຄົນ ອອສ ເຕຣເລຍ ອອກມາຢືນຢັນວ່າໄຊ ຊະນະເໜືອ ແມນນີ ປາກຽວ ຍອດນັກມວຍຄົນ ຟິລິບປິນ ຖື ເປັນໄຊຊະນະທີ່ໃສ່ສະອາດ ຫຼັງ ລາວເອງພິກລ໊ອກເອົາຊະນະຄະ ແນນ ປາກຽວ ຢ່າງເປັນເອກະ ພາບ ຍາດແຊ໊ມໂລກຮຸ່ນ ເວລເຕີ ເວດ ອົງການມວຍໂລກ (WB O) ມາຄອງໄດ້ສຳເລັດ ໃນການ ຊົກທ່າມກາງຜູ້ຊົມກວ່າ 51.000 ຄົນທີ່ຊັນຄອບ ໃນເມືອງບຣິສເບນ ປະເທດອອສເຕຣເລຍ ໃນວັນອາ ທິດຜ່ານມາ ເຖິງວ່າຫຼາຍຝ່າຍຈະ ວິຈານວ່າເປັນຜົນທີ່ຄ້ານສາຍຕາກໍ ຕາມ.
ຮອນ ກ່າວວ່າ: “ມັນເປັນ ເລື່ອງທຳມະດາທີ່ຜູ້ຄົນຕ້ອງມີປະຕິກິລິຍາກັບສິ່ງທີ່ເກີດຂຶ້ນ ແລະ ຈະອອກມາບອກວ່າຂ້ອຍໂຊກດີທີ່ ຊະນະ ຫຼື ແນວໃດກໍຕາມ ແຕ່ ພວກທີ່ບໍ່ເຫັນດີນຳກໍຕ້ອງບອກ ວ່າຂ້ອຍບໍ່ແມ່ນຜູ້ຊະນະໃນຄັ້ງນີ້ ແຕ່ໃນຄວາມຈິງຂ້ອຍຄິດວ່າ ຂ້ອຍຄືຜູ້ຊະນະ ປະຊາຊົນຊາວ ວີນແລນ ກໍຄິດວ່າຂ້ອຍເປັນຜູ້ຊະ ນະ ລວມເຖິງຄົນທັງໂລກນຳອີກ ແຕ່ຄົນມັກຈະເອົາຄວາມເຫັນ ສ່ວນໂຕທີ່ບໍ່ເຫັນດີນຳກັບທ່ານຂຶ້ນມາເປັນປະເດັນ”.
ຂະນະດຽວກັນ ຮອນ ຢືນ ຢັນວ່າລາວພ້ອມຈະເປີດໂອກາດໃຫ້ ປາກຽວ ແກ້ມືທັນທີໃນຄັ້ງ ຕໍ່ໄປ ໂດຍກ່າວວ່າ:“ຂ້ອຍຍີນດີທີ່ ຈະໃຫ້ລາວແກ້ມື ມັນຄົງດີຖ້າ ຂ້ອຍໄດ້ຊົກກັບລາວບ່ອນນີ້ອີກ ຄັ້ງ ແມນນີ ປາກຽວ ຄືນັກສູ້ ທີ່ແທ້ຈິງ ລາວຄືຕຳນານແຫ່ງວົງ ການມວຍ ລາວອາດຈະມາໃນ ສະພາບບໍ່ເຕັມຮ້ອຍ ແຕ່ຖ້າລາວ ມາແບບເຕັມຮ້ອຍໃນຄັ້ງລາງຕາ ຂ້ອຍເອງກໍບໍ່ຮູ້ຄືກັນວ່າມັນຈະ ເກີດຫຍັງຂຶ້ນ”.