ອັງກິດມີຄວາມກັງວົນຕໍ່ 2 ກໍລະນີທີ່ເກີດອາການພູມແພ້ແຮງ ພາຍຫຼັງສັກວັກຊີນ ຄຸ້ມກັນ ໂຄວິດ-19

ໜັງສືພິມ Wall Street Journal (WSJ)  ວັນທີ 15 ທັນວານີ້ ລາຍງານວ່າ ຢູ່ອັງກິດ ພາຍຫຼັງສັກວັກຊີນຄຸ້ມກັນ ໂຄວິດ-19 ໃນວັນທີ 8 ທັນວາ ຊຶ່ງເປັນວັນທຳອິດຂອງການສັກວັກຊີນຕ້ານໂຄວິດຂອງອັງກິດໄດ້ມີ 2 ຄົນ ເກີດອາການພູມແພ້ຢ່າງຮ້າຍແຮງ,

ຄະນະຜູ້ຕິດຕາມກຳລັງຊອກຮູ້ເບິ່ງວ່າ ມັນແມ່ນເກີດມາຈາກການສັກວັກຊີນແທ້ບໍ? ອົງການແພດແຫ່ງຊາດຂອງອັງກິດ ໃຫ້ຮູ້ວ່າ: ພາຍຫຼັງສັກວັກຊີນແລ້ວຈະເກີດອາການ ພູມແພ້, ດັງອັດເສບ, ຈາມ, ຄັນຮູດັງ, ຂີ້ມູກໄຫຼ ຫຼື ຕັຍດັງ, ຫາຍໃຈຝືດ, ເປັນໄອ, ຄັນຕາ ແລະ ມີນໍ້າຕາໄຫຼອອກມາ ຈາກນັ້ນກໍຈະເກີດອາການພູມແພ້ຮຸນແຮງ ຫຼື ຍັງເອີ້ນວ່າ ເກີດປະຕິກິລິຍາປ້ອງກັນຕົວ ຊຶ່ງອາດມີຄວາມສ່ຽງຕໍ່ຊີວິດໄດ້.

ເຖິງຢ່າງໃດກໍຕາມ, 2 ກໍລະນີເກີດອາການພູມແພ້ດັ່ງກ່າວ ໄດ້ກັບຄືນສູ່ສະພາບປົກກະຕິແລ້ວ ແລະ ວົງການແພດຍັງເຕືອນວ່າ ຜູ້ທີ່ມີປະຫວັດເປັນພູມແພ້ ບໍ່ຄວນສັກວັກຊີນຂອງບໍລິສັດ Pfizer.