ຫົວໜ້າຜູ້ຈັດການຂອງບໍລິສັດ ໄຟເຊີ Albert Bourla ໃຫ້ຮູ້ວ່າ ເຫດຜົນທີ່ເຂົາບໍ່ທັນສັກວັກຊີນຕ້ານໂຄວິດ-19 ກໍຍ້ອນວ່າບໍລິສັດຂອງຕົນເປັນຜູ້ຜະລິດວັກຊີນ ຈຶ່ງບໍ່ຢາກເອົາລັດເອົາປຽບຄົນອື່ນ.

         ທ່ານໃຫ້ສຳພາດຕໍ່ສື່ ຊີເອັນເອັນ ເມື່ອວັນທີ 14 ທັນວານີ້ວ່າ “ຂ້ອຍບໍ່ທັນສັກວັກຊີນ ກໍເນື່ອງຈາກວ່າ ພວກເຮົາກຳລັງຕັ້ງຄະນະກຳມະການໜຶ່ງຂຶ້ນມາ ເພື່ອຄົ້ນຄວ້າເບິ່ງວ່າ ກຸ່ມຄົນໃດຈະໄດ້ຮັບບູລິມະສິດສັກກ່ອນໝູ່ ເພື່ອບໍ່ໃຫ້ເອົາລັດເອົາປຽບກັນ”

         ທ່ານ Bourla ໃຫ້ຮູ້ວ່າ ສູນຄວບຄຸມ ແລະ ສະກັດກັ້ນພະຍາດຂອງສະຫະລັດ(CDC) ປະກາດຢ່າງຈະແຈ້ງວ່າ ຜູ້ທີ່ຈະໄດ້ຮັບການສັກວັກຊີນກ່ອນໝູ່ແມ່ນ ຖັບແຖວພະນັກງານແພດໝໍ ຊຶ່ງເປັນຜູ້ປະຈັນບານກັບພະຍາດ ຈະໄດ້ສັກກ່ອນໝູ່ ຈາກນັ້ນແມ່ນປະຊາຊົນທົ່ວໄປ ແລະ ພະນັກງານຢູ່ໃນບ້ານພັກຄົນສະລາ.