ສິງກະໂປ ຈະເປີດການທ່ອງທ່ຽວໃຫ້ທຸກຊາດເຂົ້າໄປໃນຕົ້ນປີ 2021

ວັນທີ 15 ທັນວານີ້, ສິງກະໄປ ປະກາດວ່າ ເດືອນ ມັງກອນ 2021 ຈະເປີດປະຕູການທ່ອງທ່ຽວໃຫ້ນັກທຸລະກິດ, ເຈົ້າໜ້າທີ່ທາງລັດຖະການ ແລະ ນັກທ່ອງທ່ຽວ ທຸກຊາດເຂົ້າໄປໃນສິງກະໂປ ເພື່ອຍົກສູງຄຸນຄ່າທາງເສດຖະກິດໃຫ້ສູງຂຶ້ນ.

ຜ່ານມາ ສິງກະໂປ ໄດ້ທຸ່ມເທຫຼາຍຕື້ໂດລາ ເພື່ອກອບກູ້ເສດຖະກິດ ບໍ່ໃຫ້ຕົກຢູ່ໃນພາວະວິກິດການທີ່ຮ້າຍແຮງ ແລະ ຍັງມີຄວາມພະຍາຍາມເປີດປະຕູການທ່ອງທ່ຽວສາກົນ ເພື່ອກະກຽມໃຫ້ແກ່ການເປັນເຈົ້າພາບກອງປະຊຸມສາມັນສຸດຍອດດ້ານເສດຖະກິດສາກົນ (WEF) ໃນປີໜ້າ. ບັນດາຜູ້ນຳແຕ່ລະປະເທດ ແລະ ນັກທຸລະກິດໃນທົ່ວໂລກຈະມີໜ້າໃນກອງປະຊຸມດັ່ງກ່າວ.

ລັດຖະມົນຕີກະຊວງອຸດສາຫະກຳ-ການຄ້າສິງກະໂປໃຫ້ຮູ້ວ່າ: ທົວທ່ອງທ່ຽວຄະນະທຳອິດຈະເດີນທາງໄປສິງກະໂປ ແມ່ນກາງເດືອນມັງກອນ 2021 ຊຶ່ງນັກທ່ອງທ່ຽວສາມາດຢູ່ໃນສິງກະໂປໄດ້ 14 ວັນ. ນອກຈາກນິີ້, ສິງກະໂປຍັງຈະຈັດວາງການຢ້ຽມຢາມລັດຖະກິດ ຂອງຈີນ, ເຢຍລະມັນ ແລະ ອິນໂດເນເຊຍ ຕື່ມອີກ.

ນັກທ່ອງທ່ຽວທີ່ເຂົ້າໄປໃນສິງກະໂປ ຕ້ອງປະຕິບັດຕາມຂໍ້ກຳນົດທາງການແພດຢ່າງເຄັ່ງຄັດ ແລະ ຕ້ອງໄດ້ກັກຕົວຊົ່ວຄາວ ຢູ່ໃນສູນທີ່ທາງການຈັດສັນໃຫ້. ນັກທ່ອງທ່ຽວສາມາດພົບປະກັບປະຊາຊົນທ້ອງຖິ່ນໄດ້ ແຕ່ຕ້ອງມີແຜ່ນແກ້ວກັນແຕ່ເພດານເຮືອນລົງມາຮອດພື້ນເຮືອນ