ລາວເປີດເວັບໄຊທ໌ www.plaosme.com ສົ່ງເສີມຫົວໜ່ວຍທຸລະກິດ SMEs ດ້ວຍການຄ້າອອນລາຍ

ພິທີຖະແຫລງຂ່າວ “ແນວຄວາມຄິດລິເລີ່ມ Plaosme 2.0 ເພື່ອສົ່ງເສີມຫົວໜ່ວຍທຸລະກິດ ແລະ ການຄ້າທາງເອເລັກໂຕຣນິກ ໄດ້ມີຂຶ້ນໃນວັນທີ 14 ທັນວານີ້ ຢູ່ສະພາການຄ້າ ແລະ ອຸດສາຫະກຳແຫ່ງຊາດ (ສຄອຊ) ນະຄອນຫລວງວຽງຈັນ.

ທ່ານ ບຸນເຖິງ ດວງສະຫວັນ ຫົວໜ້າກົມສົງເສີມ SMEs

ທ່ານ ບຸນເຖິງ ດວງສະຫວັນ ຫົວໜ້າກົມສົງເສີມ SMEs ໃຫ້ຮູ້ວ່າ: ເພື່ອເລັ່ງໃສ່ເຜີຍແຜ່ຂໍ້ມູນໃຫ້ແກ່ຜູ້ປະກອບການທຸລະກິດ SMEs ໃນ ສປປ ລາວ ແລະ ສັງຄົມໄດ້ຮັບຮູ້ຢ່າງກວ້າງຂວາງ, ມີຄວາມເຂົ້າໃຈຢ່າງເລິກເຊິ່ງຕໍ່ກັບການຄ້າຜ່ານທາງເອເລັກໂຕຣນິກ ໃນເວັບໄຊທ໌ www.plaosme.com, ເພື່ອສົ່ງເສີມການຊື້-ຂາຍສິນຄ້າຜ່ານທາງ E-Commerce ໂດຍສະເພາະເວັບໄຊທ໌ www.plaosme.com ໃຫ້ເປັນເວັບໄຊທ໌ຊື້-ຂາຍ ທາງອອນລາຍລະດັບຊາດ ພ້ອມທັງເພີ່ມຊ່ອງທາງການຊໍາລະເງິນຜ່ານລະບົບເວັບໄຊທ໌ດັ່ງກ່າວນີ້ຜ່ານທາງອອນລາຍ (PaymentGateway) ແລະ ລະບົບການຄຸ້ມຄອງການຂົນສົ່ງສິນຄ້າ (Logistics) ແລະ ເພື່ອເປີດຕົວການຊື້-ຂາຍສິນຄ້າລາວ ທັງພາຍໃນ ແລະ ຕ່າງປະເທດໃນ ກ່ຽວກັບລະບົບການຄ້າຜ່ານທາງເອເລັກໂຕຣນິກ ຂອງເວັບໄຊທ໌ www.plaosme.com ເພື່ອເພີ່ມຍອດຂາຍ ແລະ ສ້າງລາຍຮັບໃຫ້ທຸລະກິດ SMEs ຂອງ ສປປ ລາວ ໄດ້ເຕີບໃຫຍ່ເຂັ້ມແຂງ ເພື່ອເປັນຖານເກັບລາຍຮັບໃຫ້ແກ່ລັດຖະບານຢ່າງຍືນຍົງ.

ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ

ສະນັ້ນ, ພາກລັດຈຶ່ງໄດ້ມີນະໂຍບາຍຊຸກຍູ້ສົ່ງເສີມ ໃຫ້ຜູ້ປະກອບການທຸລະກິດ, ຜູ້ຜະລິດພາຍໃນ ແລະ ຕ່າງປະເທດ ສາມາດນໍາໃຊ້ການຊື້-ຂາຍສິນຄ້າຂອງຕົນ ໂດຍການພັດທະນາທຸລະກິດການຄ້າທາງອອນລາຍ. ຊຶ່ງປັດຈຸບັນກໍາລັງເປັນທີ່ຍອມຮັບຂອງທົ່ວໂລກ ແລະ ເປັນຮູບແບບການຄ້າທີ່ບໍ່ມີພົມແດນ, ສາມາດດຶງດູດການຊື້-ຂາຍສິນຄ້າທັງໄດ້ທົ່ວໂລກ.

ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະອຸດສາຫະກຳແຫ່ງຊາດ