ວັກຊີນ ໂຄວິດ-19 ເປັນສິ່ງທີ່ ມີການຊ່ວງເສັງແບບໃໝ່ໃນໂລກ

ວັກຊີນທີ່ພັດທະນາຂຶ້ນມາໂດຍບໍລີສັດ Pfizer ແລະ BioNTech ກຳລັງນຳໜ້າຂອງການຊ່ວງເສັງວັກຊີນໃນໂລກ.

ເມື່ອວັນທີ 18 ພະຈິກ ບໍລິສັດການຢາ Pfizer ຂອງສະຫະລັດ ແລະ ຄູ່ຮ່ວມມື BioNTech ຂອງເຢຍລະມັນ ເປັນຫົວໜ່ວຍທຳອິດຂອງໂລກທີ່ໄດ້ລາຍງານຂໍ້ມູນທົດລອງ ວັກຊີນໂຄວິດ-19 ທັງໝົດ ໃນໄລຍະສຸດທ້າຍ.

ອັງກິກເປັນປະເທດທຳອິດຂອງໂລກທີ່ອະນຸຍາດໃຫ້ນຳໃຊ້ວັກຊີນຂອງ Pfizer/BioNTech ໃນວັນທີ 3 ທັນວາ, ຕໍ່ຈາກນັ້ນກໍແມ່ນ ການາດາ ປະກາດນຳໃຊ້ເມື່ອໃນວັນທີ 9 ທັນວາ ແລະ ອົງການຄຸ້ມຄອງອາຫານ ແລະ ຢາຂອງສະຫະລັດໃນວັນທີ 11 ທັນວາ.

ອົງກອນການຢາຂອງເອີຣົບ ຈະສຳເລັດການຕີລາຄາວັກຊີນໃນວັນທີ 29 ທັນວາທີ່ຈະມາເຖິງ, ສ່ວນອິນເດຍແມ່ນກຳລັງຜັກດັນໃຫ້ສຳເລັດຂະບວນການຕີລາຄາ.

ອົງການການຢາ ໂມເດິນນາ ຂອງສະຫະລັດຢູ່ອັນດັບສອງ ພາຍຫຼັງປະກາດການທົດລອງຢ່າງຄົບຖ້ວມສົມບູນໄລຍະສຸດທ້າຍເມື່ອວັນທີ 30 ພະຈິກ, ຊຶ່ງມີຄຸນນະພາບຢູ່ທີ່ 94,1% ແລະ EMA ຈະສຳເລັດການຕີລາຄາກ່ອນວັນມີ 12 ມັງກອນ 2021.

ນອກຈາກນີ້, AstraZeneca ຂອງອັງກິດກຳລັງຢູ່ຂັ້ນຕອນຍື່ນໃບຄຳຮ້ອງຂໍການຮັບຮອງ ພາຍຫຼັງມີການກວດສອບການທົດລອງໄລຍະສຸດທ້າຍທີ່ສຳເລັດລົງໃນວັນທີ 23 ພະຈິກ ຊຶ່ງມີຄຸນນະພາບຢູ່ທີ 70% ແລະ ສູງສຸດແມ່ນ 90%.

Jonhson & Jonhson ບໍລິສັດການຢາຂອງສະຫະລັດ ກຳລັງມີແຜນຈະປະກາດການທົດລອງທັງໝົດໃນປີນີ້ ຫຼື ຕົ້ນປະໜ້າ(2021) ຄາດວ່າ ອົງການການຢາສະຫະລັດຈະອະນຸມັດໄດ້ໃນລະຫວ່າງເດືອນ ກຸມພາ 2021 ຖ້າຫາກສາມາດປ້ອງກັນໄດ້ຄຸນນະພາບຂອງຢາ.

ບໍລິສັດ Novavax ຂອງສະຫະລັດກຳລັງຢູ່ໃນການທົດລອງຂັ້ນສຸດທ້າຍ ແລະ ຄາດວ່າຈະມີການທົດລອງຂະໜາດໃຫ່ຍໃນສະຫະລັດພາຍໃນເດືອນນີ້.

Sanofi ຂອງຝຣັ່ງ ແລະ GlazoSmithLkine ຂອງອັງກິດ, ວັນທີ 11 ທັນວານີ້ໄດ້ປະກາດໂຈການປະກາດໄວ້ກ່ອນ ເພາະ ການຕອງສະໜອງດ້ານພູມຄຸ້ມກັນຢູ່ໃນຜູ້ສູງອາຍຸບໍ່ໄດ້ຮັບໝາກຜົນຕາມທີ່ຄາດຫວັງ ແລະ ຈະດຳເນີນການຄົ້ນຄ້ວາໃໝ່ໃນເດືອນກຸມພາທີ່ຈະມາເຖິງ.

ເມື່ອວັນທີ 11 ທັນວາ AstraZeneca ໃຫ້ຮູ້ວ່າ ຈະສັກວັກຊີນຂອງພວກຕົນສົມທົບກັບວັກຊີນ Spunik V ຂອງລັດເຊຍເພື່ອຍົກສູງຄຸນນະພາບຂອງວັກຊີນ ທີ່ພວກເຂົາຮ່ວມມືກັບ ອ໊ອສຟອດ ຜະລິດຂຶ້ນມາ.

Sionovac, ເມື່ອວັນທີ 18 ພະຈິກໃຫ້ຮູ້ກ່ຽວກັບຜົນຂອງການທົດລອງໄລຍະສອງວ່າວັກຊີນ Sionovac ຂອງພວກຕົນມີການຕອບສະໜອງພຸມຄຸ້ມກັນໄວ ແລະ ຂໍ້ມູນການທົດລອງໄລຍະສຸດທ້າຍ ອາດຈະຖືກປະກາດໃນປີນີ້.

ເຖິງຢ່າງໃດກໍຕາມ, ອົງການອະນາໄມໂລກຖະແຫຼງວ່າ ວັກຊີນທັງໝົດຕ້ອງພິສູດໃຫ້ໄດ້ຄຸນນະພາບຂອງຢາຢ່າງຂີ້ຮ້າຍຕ້ອງແມ່ນ 70%, ສ່ວນອົງການການຢາສະຫະລັດຢູ່ທີ່ 50%.