ຍ່າງເພື່ອສຸຂະພາບສະຫລອງວັນສະຖິຕິແຫ່ງຊາດ
ສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້ຈັດກິດຈະກຳຍ່າງເພື່ອສຸຂະພາບສະຫລອງວັນສະຖິຕິ ແຫ່ງຊາດ ໃນວັນທີ 30 ມິຖຸນາ ຜ່ານມານີ້ທີ່ສະໜາມກິລາເຈົ້າ ອານຸວົງນະຄອນຫລວງວຽງຈັນ ໂດຍມີທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ມີບັນດາຮອງລັດຖະມົນຕີ,ຫົວໜ້າສູນສະຖິຕິແຫ່ງຊາດ ແລະ ບັນດາ ຜູ້ຕາງໜ້າຈາກສູນສະຖິຕິປະຈຳແຕ່ລະແຂວງໃນທົ່ວປະເທດເຂົ້າຮ່ວມ.
+ ສະຖານເອກອັກຄະລັດຖະທູດລາວ ແລະ ຫວຽດນາມ ທີ່ບາງກອກສະເຫລີມສະຫລອງສອງວັນປະຫວັດສາດສຳຄັນຂອງຕົນ
+ ລາວ ແລະ ສະຫະພາບເອີຣົບສະຫລອງການຮ່ວມມືຄົບຮອບ 20 ປີ
+ ເຈົ້າແຂວງສະຫວັນນະເຂດເຂົ້າຮ່ວມງານສະເຫລີມສະຫລອງ ວັນສ້າງຕັ້ງສາຍພົວພັນມິດຕະພາບຫວຽດນາມ-ທີ່ແຂວງເຊິນລາ
ໂອກາດດັ່ງກ່າວ, ທ່ານ ສຸພັນ ແກ້ວມີໄຊ ໄດ້ຍົກໃຫ້ເຫັນ ປະຫວັດຄວາມເປັນມາ ແລະ ການຈັດຕັ້ງປະຕິບັດ ຂອງສູນສະຖິຕິແຫ່ງຊາດ ໂດຍໄດ້ສົມທົບກັບ ການຈັດຕັ້ງສະຖິຕິທຸກຂັ້ນ ທັງລະບົບສາຍຕັ້ງ ແລະ ສາຍຂວາງ ພ້ອມກັນຈັດຕັ້ງຜັນຂະຫຍາຍ ກົດໝາຍວ່າດ້ວຍສະຖິຕິ ແລະ ຍຸດທະສາດການພັດທະນາ ລະບົບສະຖິຕິແຫ່ງຊາດ 2010-2020 ໂດຍຫັນເປັນແຜນ ດຳເນີນງານປະຈຳປີລະອຽດເຮັດໃຫ້ການຈັດຕັ້ງປະຕິບັດວຽກງານສະຖິຕິມີຜົນສຳເລັດເປັນກ້າວໆ.
ທ່ານ ສຸພັນ ແກ້ວມີໄຊ ຍັງຮຽກຮ້ອງໃຫ້ບັນດາພະນັກ ງານ-ລັດຖະກອນທັງພາກລັດ ແລະ ເອກະຊົນລວມ ເຖິງພໍ່- ແມ່ ປະຊາຊົນຮ່ວມກັນປະກອບສ່ວນເຂົ້າໃນວຽກງານສະ ຖິຕິຢ່າງ ຕັ້ງໜ້າ ຢູ່ໃນແຕ່ລະຂົງເຂດທົ່ວປະເທດເພື່ອເຮັດໃຫ້ການ ຜະລິດຂໍ້ມູນສະຖິຕິມີຄວາມຄົບຖ້ວນ, ແທດເໝາະກັບຄວາມເປັນຈິງ, ມີຄຸນນະພາບ ສາມາດຕອບສະໜອງ ໃຫ້ແກ່ການວາງ ນະໂຍບາຍ, ການວາງແຜນການ, ການຄົ້ນຄວ້າ ແລະ ຜູ້ຊົມໃຊ້ຂໍ້ມູນສະຖິຕິສາມາດນຳໃຊ້ໄດ້ຢ່າງທົ່ວເຖິງ. ຮຽກຮ້ອງໃຫ້ມີການພັດທະນາຂໍ້ມູນ- ຂ່າວສານ ທີ່ທັນສະໄໝ, ຖືກຕ້ອງ ແລະ ຄົບຖ້ວນ, ພັດທະນາລະບົບການຈັດຕັ້ງສະຖິຕິແຫ່ງຊາດແຕ່ສູນກາງລົງຮອດທ້ອງຖິ່ນໂດຍຕິດພັນກັບຂະບວນການສາມສ້າງ, ເລັ່ງໃສ່ປັບປຸງການຜະລິດຂໍ້ມູນສະຖິຕິເພື່ອຮັບປະກັນ ຄຸນນະພາບສາມາດຕອບສະໜອງຕາມຄວາມຮຽກຮ້ອງຕ້ອງການໃນໄລຍະໃໝ່ໃນຍຸກໂລກາພິວັດ.
