ຄົນຮ້າຍ ບຸກລັກເຄື່ອງອາໄຫຼ່ໃນເຮືອບິນຮັບໃຊ້ປະທານາທິບໍດີ ລັດເຊຍ

ລາຍງານຂ່າວຈາກຕ່າງປະເທດ ເມື່ອວັນທີ 8 ທັນວານີ້ວ່າ ມີຄົນຮ້າຍຄົນໜຶ່ງບໍ່ຮູ້ຊື່ ໄດ້ບຸກເຂົ້າໄປລັກເອົາເຄື່ອງອາໄຫຼ່ໃນເຮືອບິນທີ່ມີຊື່ວ່າ “ເຮືອບິນເຖິງວັນອາວະສານ” II-80 Maxdome  ຂອງກອງທັບອາວະກາດຂອງລັດເຊຍ ຊຶ່ງເຮືອບິນລຳນີ້ ມີພາລະບົດບາດຄ້າຍຄືກັນກັບເຮືອບິນ E-4B ຂອງກອງທັບອາກາດຂອງສະຫະລັດ ເຮັດໜ້າທີ່ຮັບໃຊ້ປະທານາທິບໍດີລັດເຊຍ.

ເຖິງຂະນະນີ້ ຍັງບໍ່ທັນຮູ້ວ່າ ການລັກນັ້ນເກີດຂຶ້ນເມື່ອໃດ, ເວລາໃດ. ສຳນັກຂ່າວ RIA Novosti ລາຍງານເມື່ອວັນທີ 7 ທັນວານີ້ວ່າ  ເຮືອບິນລຳດັ່ງກ່າວກຳລັງໄດ້ຮັບການຈອດໄວ້ ເພື່ອສ້ອມແປງຢູ່ທີ່ສະໜາມບິນ Rostov ຈຶ່ງມີຄວາມເປັນໄປໄດ້ວ່າ ເຫດຂີ້ລັກອາດເກີດຂຶ້ນຢູ່ໃນບໍລິສັດ Beriev ໃນເຂດເມືອງ Taganrog ເທິງຊາຍຝັ່ງທະເລ Azov ຈຶ່ງຖືກຄົນຮ້າຍ ເຂົ້າໄປລັກເອົາເຄື່ອງອາໄຫຼ່ ໂທລະທັດໃນເຮືອບິນລຳດັ່ງກ່າວ.