ລັດເຊຍ ເລີ່ມສັກວັກຊີນ ໂຄວິດ-19

ສຳນັກຂ່າວ AAP ລາຍງານ ເມື່ອວັນທີ 6 ທັນວານີ້ວ່າ ລັດຖະບານລັດເຊຍ ໄດ້ເລີ່ມຂະບວນການສັກວັກຊີນທົ່ວໄປໃນນະຄອນຫຼວງມົສໂກ.

ລັດເຊຍເລີ່ມຂະບວນການສັກວັກຊີນໂຄວິດ-19 Sputnik V ໂດຍແບ່ງອອກເປັນ 70 ຈຸດໃນທົ່ວນະຄອນຫຼວງມົສໂກ ຊຶ່ງເປັນຂີດໝາຍແຫ່ງການສັກວັກຊີນຕ້ານໂຄວິດ-19 ໃນທົ່ວປະເທດ.

ກຸ່ມທີ່ໄດ້ຮັບບູລິມະສິດສັກກ່ອນໝູ່ແມ່ນກຸ່ມ ແພດໝໍ, ນາຍຄູ ແລະ ພະນັກງານອື່ນໆ ທີ່ມີຄວາມສ່ຽງສູງຕໍ່ພະຍາດດັ່ງກ່າວ. ການສັກທົດລອງຄັ້ງທຳອິດນີ້ ແມ່ນສັກໃຫ້ລ້າໂດຍບໍ່ໄດ້ເສຍຄ່າ.

ແຕ່ລະຄົນຈະໄດ້ສັກ 2 ເຂັມ ຊຶ່ງຫ່າງກັນ 21 ວັນ.