ເກີດເຫດແຜ່ນດິນຍຸບເປັນບໍລິເວນກວ້າງໃນ ລັດ ອາລັດສະກາ ໃນສະຫະລັດ

ເຈົ້າໜ້າທີ່ລັດ ອາລັດສະກາ ຂອງສະຫະລັດ ກ່າວເມື່ອວັນທີ 3 ທັນວານີ້ວ່າ: ເກີດເຫດດິນຍຸບຕົວເປັນບໍລິເວນກວ້າງເທົ່າກັບພື້ນທີ່ 2 ສະໜາມກິລາບານເຕະ ຢູ່ທາງຕອນໃຕ້ຂອງລັດ ອາລັດສະກາ ສົ່ງຜົນໃຫ້ມີຜູ້ສູນຫາຍ 6 ຄົນ.

ເຫດການດິນຍຸບຕົວຄັ້ງນີ້ເປັນໜຶ່ງໃນຫຼາຍໆຄັ້ງທີ່ເກີດຂຶ້ນຫຼັງເກີດຝົນຕົກໜັກມາຊ່ວງໄລຍະໜຶ່ງ ຈົນສ້າງຄວາມເສຍຫາຍໃຫ້ບ້ານເຮືອນຢ່າງໜ້ອຍ 4 ຫຼັງ. ຂະນະທີ່ຄວາມພະຍາຍາມຄົ້ນຫາຜູ້ສູນຫາຍ ແລະ ກູ້ໄພຖືກລະງັບໄວ້ຊົ່ວຄາວເນື່ອງຈາກຝົນຍັງຄົງຕົກໜັກຢູ່ໃນພື້ນທີ່ດັ່ງກ່າວຢ່າງຕໍ່ເນື່ອງ ແລະ ຍັງມີການອອກຄຳເຕືອນນໍ້າຖ້ວມຈົນເຖິງຄືນວານນີ້.