ທ່ານ ປູຕິນ ຊີ້ນຳໃຫ້ສັກວັກຊີນຕ້ານໂຄວິດ-19 ຂອງລັດເຊຍໃຫ້ປະຊາຊົນ

ເມື່ອວັນທີ 2 ທັນວານີ້ ປະທານາທິບໍດີ ວະລາດີເມຍປູຕິນ ໄດ້ສັ່ງໃຫ້ເຈົ້າໜ້າທີ່ແພດໝໍສັກວັກຊີນຕ້ານໂຄສິດ-19 ຂອງລັດເຊຍໃຫ້ກັບປະຊາຊົນໃນອາທິດໜ້ານີ້.

ສຳນັກຂ່າວ AFP ໂດຍອ້າງການໂອ້ລົມຂອງທ່ານປູຕິນກັບຮອງນາຍົກ Tatiana Golikova ຊຶ່ງເປັນຮອງນາຍົກຜູ້ຊີ້ນຳໜ່ວຍສະເພາະກິດຕ້ານພະຍາດຂອງລັດຖະບານລັດເຊຍວ່າ “ຂ້າພະເຈົ້າຮຽກຮ້ອງໃຫ້ພວກທ່ານ ຈົ່ງໄດ້ຈັດຕັ້ງໂຄງການເລີ່ມສັກວັກຊີນເປັນວົງກວ້າງໃຫ້ກັບປະຊາຊົນໃນອາທິດໜ້ານີ້ ”

ທ່ານ ປູຕີນ ເນັ້ນວ່າ ຖັນແຖວພະນັກງານຄູ ແລະ ແພດໝໍຈະເປັນກຸ່ມທຳອິດໄດ້ສັກກ່ອນໝູ່.

ວັກຊີນ Sputnik V ຈະຕ້ອງໄດ້ສັກ 2 ເຂັມຫ່າງກັນ 21 ວັນ ແລະ ຈະໄດ້ສັກໂດຍບໍ່ເສຍຄ່າໃຫ້ທຸກຄົນປະຊາຊົນລັດເຊຍ ຍົນພື້ນຖານຄວາມສະໝັກໃຈ.

ເມື່ອອາທິດທີ່ຜ່ານມາ ທ່ານປູຕິນ ປະກາດວ່າ ວັກຊີນ Sputnik V ມີແະສິດທິພາບ 95% ຕາມການສັກທົດລອງເບື້ອງຕົ້ນ ໝາຍຄວາມວ່າສູງກວ່າວັກຂີນຂອງປະເທດອື່ນໆ.