ເຖິງແມ່ນວ່າໃນທົ່ວໂລກຈະມີຜູ້ຕິດເຊື້ອໂຄວິດ-19 ເຖິງ 63 ລ້ານຄົນກໍຕາມ ແຕ່ປະຊາຊົນໃນເອີຣົບ ຍັງຕໍ່ຕ້ານການປິດປະເທດ

ມາເຖິງຂະນະນນີ້ທົ່ວໂລກມີຜູ້ຕິດເຊື້ືອໂຄວິດ-19 ຫຼາຍກວ່າ 63 ລ້ານຄົນ ແລະ ເສຍຊີວິດຫຼາຍກວ່າ 1,4 ລ້ານຄົນແລ້ວກໍຕາມ ແຕ່ປະຊາຊົນໃນເຂດເອີຣົບກໍຍັງຕໍ່ຕ້ານການປິດປະເທດຂອງລັດຖະບານ.

ສະຫະລັດຍັງຄົງນຳໜ້າໂລກຜູ້ຕິດເຊື້ອ ແລະ ຜູ້ເສຍຊີວິດ, ຂະນະນີ້ມີຜູ້ຕິດເຊື້ອສະສົມ 13.739.472 ລ້ານຄົນ ແລະ ເສຍຊີວິດ 273.035 ຄົນ. ອິນເດຍຄົງຢູ່ທີ່ສອງ ມີຜູ້ຕິດເຊື້ອທັງໝົດ 9.432.039 ຄົນ ແລະ ເສຍຊີວິດ 137.177 ຄົນ. ຕໍ່ຈາກນັ້ນກໍແມ່ນ ບຣາຊີນ, ຝຣັ່ງ, ອັງກິດ, ເຢຍລະມັນ, ລັດເຊຍ, ອີຣານ, ເກົາຫຼີໃຕ້…ຕາມລຳດັບ. ສ່ວນຢູ່ ທະວີບອາຊີຕາເວັນອອກສ່ຽງໃຕ້ ໄລ່ຕາມລຳດັບກໍມີ: ອີນໂດເນເຊຍ, ຟີລິບປິນ, ມຽນມາ.

ທ່ານ Maria Van Kerkhove ຫົວໜ້າເຕັກນິກກ່ຽວກັບໂຄວິດ-19 ຂອງອົງການອະນາໄມໂລກ ກ່າວເມື່ອວັນທີ 27 ພະຈິກວ່າ ເຖິງແມ່ນວ່າຜູ້ຕິດເຊື້ອຂອງບັນດາປະເທດຈະຫຼຸດລົງກໍຕາມ ແຕ່ເຂົາກໍຍັງມີສະຕິລະວັງຕົວຢູ່. ທ່ານກ່າວວ່າ: “ສິ່ງທີ່ພວກເຮົາບໍ່ຢາກເຫັນກໍຄື ສະຖານະການ ປິດປະເທດແລ້ວ ປິດປະເດອີກ ບໍ່ມີມື້ສິ້ນສຸດ”