ຄູເຝິກຂອງ ແມນນີ ປາກຽວ ບໍ່ພໍໃຈຮຽກຮ້ອງສອບສວນກຳມະການໃຫ້ຄະແນນເກິນຈິງ

ເຟຣດດີ ໂຣດ ຄູເຝິກຂອງ ແມນນີ ປາກຽວ ຮຽກຮ້ອງໃຫ້ ເຮັດການສອບສວນ ວາເລສະກາ ໂຣລແດນ ໜຶ່ງໃນກຳມະການໃຫ້ ຄະແນນຄັ້ງນີ້ ເນື່ອງຈາກຄະ ແນນທີ່ອອກມານັ້ນເກິນຄວາມ ຈິງແຕກຕ່າງຈາກອີກສອງຄົນ.
ວາເລສະກາ ໂຣລແດນ ໜຶ່ງ ໃນສາມກຳມະການຄັ້ງນີ້ ໃຫ້ຄະ ແນນ ເຈຟ ຮອນ ເປັນຝ່າຍຊະນະ ປາກຽວ ຂາດລອຍເຖິງ 117-111 ຄະແນນ ແຕກຕ່າງຈາກກຳ ມະການອີກສອງຄົນຢ່າງ ຄຣິສ ຟລໍເຣສ ແລະ ຣາມອນ ເຊີດານ ທີ່ໃຫ້ຄະແນນເທົ່າກັນທີ່ ເຈຟ ຮອນ ເອົາຊະນະ ປາກຽວ 115-113 ຄະແນນ ເຮັດໃຫ້ຫຼັງ ຈົບການຊົກຄັ້ງນີ້ຄູເຝິກຂອງ ປາ ກຽວ ບໍ່ພໍໃຈ ແລະ ຕ້ອງການໃຫ້ ມີການສອບສວນການໃຫ້ຄະ ແນນຂອງກຳມະການຄົນນີ້.
“ມັນທຳໃຈຍາກ ຜົນຄະ ແນນທີ່ອອກມາແບບນີ້ ຄວນມີ ການສອບສວນ ຖ້າເປັນໃນ ອາ ເມຣິກາ ຄະແນນບໍ່ເຂົ້າທ່າແບບນີ້ ຫົວໜ້າກຳມາທິການຕ້ອງມີຄຳ ຖາມແລ້ວວ່າ (ເປັນຫຍັງ ຂໍເຫດ ຜົນວ່າຄະແນນແບບນີ້ໄດ້ມາຈ່ັງ ໃດ) ໜ້າຈະຕ້ອງມີການພິຈາລະ ນາແລ້ວວ່າລາວສົມຄວນຈະໄດ້ ຕັດສິນຄັ້ງອື່ນໆຕໍ່ໄປ ຫຼື ບໍ່ ຂ້ອຍ ວ່າລາວເຮັດໜ້າທີ່ບໍ່ດີເທົ່າທີ່ຄວນ ນັ້ນເປັນຄວາມຮັບຜິດຊອບຂອງ WBO ຂ້ອຍຄິດວ່າພວກເຂົາ ຄວນຈັດການຫຍັງຈັກຢ່າງແລ້ວ ແຕ່ກໍຄົງໄດ້ພຽງຄິດ ຄົງບໍ່ມີໃຜ ເຮັດຫຍັງໄດ້” ຄູເຝິກຂອງ ປາ ກຽວ ກ່າວ.