ສະແຕນລີ ຄວ້າແຊ໊ມກ໊ອຟ ຄວິກເຄນໂລນ

ການແຂ່ງຂັນກ໊ອຟພີຈີເອ ທົວ ລາຍການ ຄວິກເຄນ ໂລນ ເນຊັນແນລ ທີ່ສະໜາມທີພີຊີ ໂປ ໂຕແມັກ ແອດອະເວເນລ ຟາມ ພາ 70 ໃນເມືອງໄປໂຕແມັກ ລັດ ແມຣີແລນ ສະຫະລັດ ອາເມຣິກາ ໃນວັນທີ 02 ກໍລະກົດ ເປັນແຂ່ງ ຂັນໃນຮອບສຸດທ້າຍ ຜົນປາກົດ ວ່າ ໄຄ ສະແຕນລີ ແລະ ຊາລ ຮາວ ເດິດເທິດ 2 ນັກກ໊ອຟ ສະ ຫະລັດ ຄະລວມຫຼັງຈາກຈົບຮອບ ສຸດທ້າຍເທົ່າກັນທີ່ 7 ອັນເດີພາ 273 ຄະແນນ ຕ້ອງແຂ່ງເພລ ອອຟ ເພື່ອຕັດສິນແຊ໊ມທີ່ຂຸມ 18 ພາ 4 ຜົນປາກົດວ່າ ຮາວ ເດິ ເທິດ ອອກໂບກີ້ ຂະນະທີ່ ສະແຕນ ລີ ຮັກສາພາໄດ້ສຳເລັດ ຄວ້າ ແຊ໊ມໄປຄອງ.
ສຳລັບແຊ໊ມລາຍການນີ້ ຖື ເປັນແຊ໊ມທຳອິດໃນຮອບກວ່າ 5 ປີ ຂອງ ສະແຕນລີ ນັບຕັ້ງແຕ່ໄດ້ ແຊ໊ມລາຍການນິສສັນ ໂອເພນ ເມ່ືອປີ 2007 ແລະ ຍັງເຮັດໃຫ້ ລາວເອງໄດ້ໂກຕ້າລົງຫຼິ້້ນສະວິງ ໃນເສິກ ດິ ໂອເພນ ແຊ໊ມປຽນຊິບ ເມເຈີທີ 3 ຂອງປີທີ່ ຣໍຍັກ ເບິກ ເດລ ໃນປະເທດອັງກິດ ລະຫວ່າງ ວັນທີ 20-23 ກໍລະກົດນີ້ ແນ່ ນອນແລ້ວນຳອີກ.
ດ້ານ ຣິກກີ ຟາວເລີ ຜົນ ງານວັນສຸດທ້າຍ ຕີ 5 ອັນເດີພາ 65 ຄະແນນ ລວມ 5 ອັນເດີພາ 275 ຄະແນນ ຈົບອັນດັບ 3 ຮ່ວມກັບ ມາຕິນ ແລດ. ຂະນະທີ່ ເດວິດ ລິງເມິດ ຈາກສະວີເດນ ລວມ 4 ອັນເດີພາ 276 ຄະແນນ ຈົບອັນດັບ 5 ຮ່ວມກັບ ແກນ ແບຣດລີ ລວມເຖິງນັກກ໊ອຟຄົນ ອື່ນໆອີກ 6 ຄົນ.