Samsung SDI ຈະສາມາດຜະລິດແບັດເຕີຣີທີ່ບໍ່ລະເບີດໄດ້ພາຍໃນ 2 ປີ
July 3, 2017 - 1:33 PM
ຈາກບັນຫາກໍລະນີ Galaxy Note 7 ລະເບີດເຮັດໃຫ້ Samsung ເພີ່ມມາດຕະການປ້ອງກັນເລື່ອງແບັດເຕີຣີຫຼາຍຂຶ້ນ. ຈາກຂ່າວຍັງບໍ່ພົບ Galaxy S8 ລະເບີດຈັກເຄື່ອງນັ້ນກໍເຮັດໃຫ້ Samsung ອຸ່ນໃຈບໍ່ໜ້ອຍ, ແຕ່ທັງນີ້ Samsung SDI ໄດ້ລາຍງານສະຖານະການການພັດທະນາແບັດເຕີຣີເພີ່ມຕື່ມ.
ຜູ້ບໍລິຫານ Samsung SDI ລະບຸວ່າ: ຈາກເຕັກໂນໂລຊີຂອງບໍລິສັດຈະສາມາດພັດທະນາ Solid-Battery ທີ່ປ້ອງກັນການລະເບີດໄດ້ພາຍໃນ 1-2 ປີ. ແນວໃດກໍຕາມ ຂຶ້ນຢູ່ກັບທາງ Samsung Electronics ວ່າຈະໃຊ້ກັບໂທລະສັບມືຖື ຫຼື ບໍ່.
Samsung SDI ໃຫ້ຂໍູ້ນວ່າ: ແບັດເຕີຣີລຸ້ນໃຫມ່ນັ້ນຈະໃຊ້ເອເລັກໂຕໄລຕ໌ແບບແຂງ (solid electrolytes) ແທນເອເລັກໂຕໄລຕ໌ແບບແຫຼວ ຈະລະເບີດເມື່ອສານມີການຮົ່ວໄຫຼອອກມາ ແລະ ສໍາຜັດກັບອາກາດ.
