ທຣຳ ບໍ່ເຫັນດີນຳຈຸດຢືນຂອງກອງປະຊຸມຈີ 20 ໃນການຕ້ານໄວຣັສ, ໜີໄປຫຼີ້ນກ໊ອບ

ສຳນັກຂາ່ວຕ່າງປະເທດລາຍງານຄວາມຄືບໜ້າບັນຍາກາດການປະຊຸມສຸດຍອດຜູ້ນຳກຸ່ມປະເທດເສດຖະກິດຊັ້ນນຳ 20 ຊາດ ຫຼື ຈີ 20 ທີ່ຈັດຂຶ້ນໃນຮູບແບບທາງໄກ ໂດຍຊາອຸດີອາຣາເບຍເປັນເຈົ້າພາບຈັດກອງປະຊຸມ ເມື່ອວັນທີ 22 ພະຈິກ. ບັນດາກຸ່ມຈີ 20 ໄດ້ໃຫ້ຄຳໝັ້ນສັນຍາວ່າ ຈະເຮັດທຸດວິທີທາງເພື່ອໃຫ້ຄົນທັງໂລກສາມາດເຂົ້າເຖິງວັກຊີນຕ້ານໄວຣັສຢ່າງເທົ່າທຽມ ພ້ອມທັງຮັບຮູ້ວ່າຈະເຮັດວຽກຢ່າງໜັກເພື່ອປ້ອງກັນບໍ່ໃຫ້ມີຊ່ອງວ່າງລະຫວ່າງຄົນລວຍ-ຄົນຈົນ.

ທ່ານນາງ ເອຊູລາ ຟອນເຄີເລເຢນ ປະທານຄະນະກຳມາທີການສະຫະພາບເອີຣົບ ຮຽກຮ້ອງໃຫ້ນານາຊາດຮ່ວມລະດົມທຶນ 4,500 ລ້ານດອນລາສະຫະລັດ ເພື່ອສະໜັບສະໜູນໂຄງການ ACT ເພື່ອຈັດຊື້ ແລະ ຈັດສົ່ງອຸປະກອນກວດຢາຮັກສາ ແລະ ວັກຊີນ ໃຫ້ແກ່ປະເທດຕ່າງໆ ຂະນະທີ່ນາງ ແອງເກລາ ແມເຄິນ ນາຍົກລັດຖະມົນຕີເຢຍລະມັນ ປະກາດໃຫ້ທຶນ 592 ລ້ານດອນລາ ໃນໂຄງການດັ່ງກ່າວ ພ້ອມຮຽກຮ້ອງໃຫ້ຊາດອື່ນເຮັດຕາມ.

ສ່ວນທ່ານ ວະລາດີເມຍ ປູຕິນ ແະທານາທິບໍດີ ລັດເຊຍ ພ້ອມທີ່ຈະສົ່ງວັກຊີນໃຫ້ແກ່ນານາຊາດ ຊຶ່ງໃນຂະນະນີ້ ລັດຖະບານກຳລັງຢູ່ລະຫວ່າງພັດທະນາຮຸ່ນ 2 ແລະ 3. ສ່ວນທ່ານ ສີຈີນຜິງ ປະທານປະເທດ ຈີນ ກ່າວວ່າ ຈີນ ມີຄວາມປະສົງທີ່ຈະເສີມສ້າງຄວາມຮ່ວມມືກັບປະເທດອື່ຮໆ ໃນດ້ານການວິໄຈພັດທະນາ ການຜະລິດ ການແຈກ ວັກຊີນ ແລະ ຈະຍື່ນມືເຂົ້າຊ່ວຍເຫຼືອຊາດກຳລັງພັດທະນາ ແລະ ພ້ອມທີ່ຈະເຮັດວຽກຢ່າງໜັກ ເພື່ອໃຫ້ວັກຊີນເປັນປະໂຫຍດຕໍ່ສາທາລະນະ ຊາວໂລກສາມາດເຂົ້າເຖິງນຳໄປໃຊ້ໄດ້.

ທ່ານນາງ ເຄຍລີ ແມກອີນາລີ ເຈົ້າໜ້າທີ່ຝ່າຍສື່ສານມວນຊົນໃນທຳນຽບຂາວລາຍງານວ່າ ທ່ານ ໂດນັລທຣຳ  ໄດ້ເຂົ້າຮ່ວມກອງປະຊຸມຈີ 20 ທາງໄກເຊັ່ນດຽວກັນ ແຕ່ໃຊ້ເວລາພຽງໜ້ອຍດຽວ ແລະ ກ່າວກັບຜູ້ນຳໂລກວ່າ  ສະຫະລັດເບີ່ງເລື່ອງຄວາມຈຳເປັນ ໃນການເຮັດວຽກຮ່ວມກັນ ເພື່ອຄວາມເຕີບໂຕທາງເສດຖະກິດ ກ່ອນຈະເດີນທາງໄປຕີກອບ ໂດຍບໍ່ໄດ້ເວົ້າເຖິງການຮ່ວມມືດ້ານວັກຊີນແຕ່ຢ່າງໃດ ຊື່ງເຂົາເວົ້າເຖິງແຕ່ເລື່ອງວັກຊີນ ແລະ ການພັດທະນາວັກຊີນຂອງສະຫະລັດເທົ່ານັ້ນ