ເປັນຊີ້ນກາງຫີບ ຂອງຜູ້ຍິງທີ່ຖືລູກກຸນແຈການມອບໂອນອຳນາດປະທານາທິບໍດີ

ທ່ານນາງ ມູຟີ, ຫົວໜ້າ GSA, ເຈົ້າໜ້າທີ່ຮັບຜິດຊອບຕິດຕາມຜົນການເລືອກຕັ້ງປະທານາທິບໍດີ ໃນທຳນຽບຂາວ ຖືກດັນໃຫ້ຕົກຢູ່ໃນ “ສູນກາງພາຍຸທາງການເມືອງ” ໃນການມອບໂອນອຳນາດໃນທຳນຽບຂາວ ໃນສະຖານະການປະທານາທິບໍດີ ທຣຳ ບໍ່ຍອມຮັບຜົນຂອງການເລືອກຕັ້ງ ແລະ ບໍ່ຍອມມອບໂອນອຳນາດໃຫ້ແກ່ ໄບເດັນ.

ເຖິງຢ່າງໃດກໍຕາມ, ເຖິງຂະນະນີ້ ທ່ານນາງ ມູຟີ ຍັງບໍ່ທັນຢືນຢັນຜົນຂອງການເລືອກຕັ້ງແຕ່ຢ່າງໃດ ໃນຂະນະທີ່ຫຼາຍສື່ໃຫ່ຍໆ ໃນສະຫະລັດລ້ວນແຕ່ຍອມຮັບການເອົາຊະນະຂອງ ໄບເດັນ, ໃນຂະນະດຽວກັນນັກສັງເກດການຫຼາຍຄົນກໍໃຫ້ເປັນທັດສະນະດຽວກັນວ່າ ການຮ້ອງຟ້ອງນັບຄະແນນຄືນໃໝ່ຂອງ ທຣຳ ອາດຈະບໍ່ເປັນຜົນຕໍ່ການພິກປີ້ນສະຖານະການ.

ທ່ານນາງ ມູຟີ ໃນຂະນະນີ້ປຽບສະເໝືອນເປັນຊີ້ນກາງຫີບ ກືນບໍ່ເຂົ້າ ຄາຍບໍ່ອອກ ໃນນາມເປັນຜູ້ຮັບຜິດຊອບຈັດການການມອບໂອນອຳນາດໃຫ້ຄະນະລັດຖະບານຊຸດໃໝ່ ວາລະ 4 ປີຕໍ່ໜ້າ.