ຄ່າຄອງຊີບຫລາຍປະເທດ ທົ່ວໂລກພຸ່ງສູງຂຶ້ນ

ວາລະວານວິທະຍາສາດທີ່ມີຊື່ສຽງລະດັບໂລກ ສະບັບໜຶ່ງ ລາຍງາຍເມື່ອວັນທີ 20 ພະຈິກນີ້ ກ່ຽວກັບການສຳຫຼວດຄ່າຄອງຊີບຈາກເມືອງຕ່າງໆ ໃນທົ່ວໂລກ ພົບວ່າ ປາຣີ ຝຣັ່ງເສດ, ຮົງກົງ ແລະ ສຸຣິ ຖືກຈັດໃຫ້ຢູ່ໃນ 3 ອັນດັບອຳອິດ ຂອງເມືອງທີ່ມີຄ່າຄອງຊິບແພງທີ່ສຸດໃນໂລກ ນັບຕັ້ງແຕ່ການລະບາດຂອງໂຣກໂຄວິດ-19 ເປັນຕົ້ນມາ.

ລາຍງານຍັງປະເມີນຜົນກະທົບຂອງການລະບາດຂອງໂຣກຕໍ່ຄ່າຄອງຊີບ ພົບວ່າເມືອງຕ່າງໆໃນອາເມລິກາ, ແອຟຣິກກາ ແລະ ເອີຣົບຕາເວັນອອກ ມີຄ່າຄອງຊີບຫຼຸດລົງ ເນື່ອງຈາກການອ່ອນຄ່າລົງຂອງເງິນດອນລາ, ສວານທາງກັບບັນດາປະເທດໃນເອີຣົບຕາເວັນຕົກກັບມີຄ່າຄອງຊີບເພີ່ມສູງຂຶ້ນ ເນື່ອງຈາກເງິນ ຢູໂຣ ແພງຄ່າຂຶ້ນ ເມື່ອທຽບກັບເງິນດອນລາສະຫະລັດ.

ຂະນະທີ່ສິງກະໂປ ແລະ ໂອສະກ້າ ຊຶ່ງເຄີຍຄອງອັນດັບໜຶ່ງເທົ່າກັບຮົງກົງເມື່ອປີທີ່ຜ່ານມາ ກັບຕົກລົງມາຢູ່ໃນອັນດັບທີ 4  ແລະ 5 ຕາມລຳດັບ.

ນອກຈາກນີ້ການແຜ່ລະບາດຂອງໂຣກໂຄວິດ-19 ຍັງສົ່ງຜົນຕໍ່ພຶດຕິກຳບໍລິໂພກຂອງຜູ້ຄົນອີກດ້ວຍ.

ການເຮັດວຽກຢູ່ກັບບ້ານຊ່ວຍເພີ່ມຍອດຂາຍ ແລັບທັອບ ແລະ ເລັດທັອບໄດ້ເພີ່ມຂຶ້ນ 18,7%, ໂດຍສະເລ່ຍຈາກປີກ່ອນໜ້ານີ້. ເຖິງຢ່າງໃດກໍຕາມຍອດຂາຍ ແລະ ລາຄາເສື້ອຜ້າ, ເກີບກັບຫຼຸດລົງ ເນື່ອງຈາກວ່າການອອກໄປທາງນອກໜ້ອຍລົງນັ້ນເອງ.