ນັກວິໄຈ ອ້າງວັກຊີນຈີນ ປະສົບຜົນສຳເລັດ

ນັກວິໄຈອ້າງວ່າການທົດລອງວັກຊີນຕ້ານໂຄວິດ-19 ຂອງບໍລິສັດ ຊີໂນແວດ ໄບໂອເທັກຂອງຈີນ ປະສົບຜົນສຳເລັດຕັ້ງແຕ່ໃນການທົດລອງຂັ້ນທີ 2 ໂດຍສາມາດສ້າງພູມຄຸ້ມກັນໃຫ້ກັບຜູ້ເຂົ້າຮ່ວມການທົດລອງປະມານ 700 ຄົນ.

ຈີນມີການພັດທະນາວັກຊີນດ້ານໂຄວິດ-19 ຫຼາຍຊະນິດ ໃນຈຳນວນນີ້ມີ 4 ຊະນິດທີ່ກຳລັງຢູ່ໃນການທົດລອງໃນໄລຍະທີ່ 3 ຊຶ່ງເປັນຂັ້ນຕອນສຸດທ້າຍຂອງການທົດລອງທາງ ຄລີນິກ ແລະ ວັກຊີນຂອງ ຊີໂນແວດ ໄບໂອເທັກ ເປັນໜຶ່ງໃນວັກຊີນກຸ່ມນີ້.

ຢ່າງໃດກໍຕາມ ງານວິໄຈທີ່ຕີພິມເຜີຍແຜ່ໃນວາລະສານການແພດ ເລັນເຊັດ ມີການເຜີຍແຜ່ພຽງແຕ່ຜົນການທົດລອງໄລຍະທີ 1 ແລະ 2 ຂອງໜຶ່ງໃນວັກຊີນ 4 ຊະນິດຈາກຈີນເທົ່ານັ້ນ. ຜົນການກວດສອບຊຶ່ງມີຜູ້ເຂົ້າຮ່ວມການທົດລອງໃນໄລຍະທີ 1 ຈຳນວນ 144 ຄົນ ແລະ ໄລຍະທີ 2 700 ຄົນ ຜົນທົດລອງໃຫ້ເຫັນວ່າ ວັກຊີນສາມາດໃຊ້ໄດ້ໃນກໍລະນີສຸກເສີນ. ຢ່າງໃດກໍຕາມ ຍັງບໍ່ມີການໃຫ້ຂໍ້ມູນຂອງກຸ່ມຕົວຢ່າງທີ່ຮ່ວມການທົດລອງຂັ້ນທີ 3 ແຕ່ຢ່າງໃດ.