ຜູ້ນຳຈີນສະເໜີແຜນ ວົງຈອນຄູ່ ຟື້ນຟູເສດຖະກິດໂລກຫຼັງໂຄວິດ

ປະທານປະເທດ ສີຈິນຜິງ ສະເໜີການທີ່ແຕ່ລະປະເທດ ທີ່ຈະເຮັດໃຫ້ເສດຖະກິດຂອງຕົນເອງໝັ້ນຄົງຈາກພາຍໃນ ຊຶ່ງຈະສ້າງຄວາມສົມດຸນໃຫ້ກັບກົນໄກລະຫວ່າງປະເທດ ແລະ ຊ່ວຍໃຫ້ໂລກຟື້ນຕົວຫຼັງບອບຊໍ້າຢ່າງໜັກຈາກວິກິດໂຣກລະບາດໂຄວິດ-19.

ສຳນັກຂ່າວຕ່າງປະເທດລາຍງານຈາກ ນະຄອນຫຼວງກູລາລຳເປີ ປະເທດມາເລເຊຍ ເມື່ອວັນທີ 19 ພະຈິກວ່າ ປະທານປະເທດສີຈິນຜີງ ຂອງຈີນ ຖະແຫຼງຜ່ານລະບົບເຕເລຄອນເຟີເຣສ ເມື່ອວັນພະຫັດທີ່ຜ່ານມາຕໍ່ທີ່ກອງປະຊຸມທາງທຸລະກິດຂອງການປະຊຸມຄວາມຮ່ວມມືທາງເສດຖະກິດເອເຊຍ-ປາຊີຟິກ(ເອເປັກ) ທີ່ມາເລເຊຍເປັນເຈົ້າພາບໃນປີນີ້ ທີ່ຈັດແບບທາງໄກ ພາຍໃຕ້ຫົວຂໍ້ “ການໃຫ້ຄວາມສຳຄັນກັບຜົນກະທົບທີ່ຕາມມາຫຼັງວິກິດໂຣກລະບາດໂຄວິດ-19”.

ຜູ້ນຳຈີນກ່າວໃນຕອນໜຶ່ງວ່າ ວິກິດດ້ານສາທາລະນະສຸກຄັ້ງນີ້ເປັນໜຶ່ງໃນຄວາມທຳນາຍຫຼາຍດ້ານ ທີ່ໂລກກຳລັງປະເຊີນການຮ່ວມມືຢ່າງມີປະສິດທິພາບຂອງປະຊາຄົມໂລກຄືຫົນທາງນຳໄປສູ່ໄຊຊະນະ ແລະ ການສະແຫວງຫາແນວທາງຟື້ນຟູຢ່າງຢັ້ງຢືນຮ່ວມກັນ ໃນສ່ວນຂອງຈີນນັ້ນໄດ້ເນັ້ນການຜະລິດ ແລະ ການບໍລິໂພກພາຍໃນປະເທດເປັນຫຼັກ ເພື່ອເປັນພື້ນຖານໃຫ້ກັບການຟືໜຟູຕັ້ງແຕ່ລະດັບຮາກຖານຊຶ່ງເປັນແກນຫຼັກຂອງແຜນຍຸດທະສາດວົງຈອນຄູ່ ຊຶ່ງຈີນຊຸກຍູ້ມາດົນແລ້ວ ນັ້ນຄືເສດຖະກິດທີ່ເຕີບໂຕຈາກການພັດທະນາພາຍໃນຢ່າງໝັ້ນຄົງ ຄວາມແຂງແກ່ນດັ່ງກ່າວຈະນຳມາຊຶ່ງສົມດຸນໃຫ້ກັບຕະຫຼາດທັງໃນ ແລະ ຕ່າງປະເທດ.