ແຈ້ງການຈົດທະບຽນ ແລະ ຄຸ້ມຄອງສໍາມະໂນຄົວພຣະສົງ-ສາໍມະເນນແບບໃໝ່

ປກສ ນວ ນະຄອນຫຼວງວຽງຈັນ ອອກແຈ້ງການ ເລກທີ 392/ປກສ.ນວ ລົງວັນທີ 18 ພະຈິກ ເລື່ອງ ການຈົດທະບຽນ ແລະ ຄຸ້ມຄອງສໍາມະໂນຄົວພຣະສົງ-ສາໍມະເນນ ໃຫ້ຮູ້ວ່າ: ເພື່ອເປັນການຈັດຕັ້ງປະຕິບັດ ຕາມແຈ້ງການເລກທີ 70397 ຄກຖ, ສະບັບລົງວັນທີ 30/10/2019 ຂອງກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານວ່າດ້ວຍການຢຸດເຊົາການເຊັນຢັ້ງຢືນໃສ່ປຶ້ມສໍາມະໂນຄົວພຣະສົງ- ສໍາມະເນນແບບເກົ່າ ແລະ ໃຫ້ອອກປື້ມສໍາມະໂນຄົວແບບໃໝ່ ຄືພົນລະເມືອງທົ່ວໄປໃຫ້ພຣະສົງ-ສໍາມະເນນ; ເພື່ອຮັບປະກັນ ທາງດ້ານການຈັດຕັ້ງເຄື່ອນໄຫວຈົດທະບຽນສໍາມະໂນຄົວ ແລະ ວຽກງານຄຸ້ມຄອງສໍາມະໂນຄົວພຣະສົງ-ສໍາມະເນນ ຖືກຕ້ອງສອດຄ່ອງ ເຫັນຄວນໃຫ້ກອງບັນຊາການ ປກສ 9 ຕົວເມືອງ ເອົາໃຈໃສ່ ປະຕິບັດຢ່າງເຂັ້ມງວດ ຕາມເນື້ອໃນ ແຈ້ງການຂອງກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ສະບັບເລກທີ 7039/ຄກຖ  ລົງວັນທີ 30/10/2019 ໂດຍໃຫ້ຕິດພັນກັບວຽກງານກໍ່ສ້າງຮາກຖານການເມືອງ ຢູ່ນະຄອນຫຼວງວຽງຈັນ, ພ້ອມທັງຮັບປະກັນ ທາງດ້ານແນວທາງ, ລະບຽບກົດຫມາຍ ແລະ ຫຼັກການວິຊາສະເພາະ, ຫຼີກເວັ້ນບໍ່ໃຫ້ເກີດມີຂອດຊ່ອງຫວ່າງ ໃນການສວຍໃຊ້ໜ້າທີ່.