ເອັບບີໄອ ຊີ້ການກໍ່ອາດຊະຍາກຳ ເພາະອະຄະຕິໃນສະຫະລັດພຸ່ງສູງຂຶ້ນ

ສຳນັກງານສອບສວນກາງ ຂອງສະຫະລັດ (ເອັບບີໄອ) ລະບຸວ່າການກໍ່ອາດສະຍາກຳທີ່ມີສາເຫດມາຈາກຄວາມກຽດຊັງ ຫຼື ອະຄະຕິໃນສະຫະລັດເພີ່ມສູງທີ່ສຸດໃນຮອບທົດສະວັດເມື່ອປີທີ່ຜ່ານມາ.

ທັງນີ້ການສັງຫານໂດຍມີແຮງຈູງໃຈຈາກອະຄະຕິ  ບໍ່ວ່າຈະຈາກເຊື້ອຊາດສາສະໜາ ຫຼື ຄວາມເຊື່ອໃນສະຫະລັດເມື່ອປີ 2019 ມີຈຳນວນ 51 ລາຍຊຶ່ງເພີ່ມຂຶ້ນຫຼາຍກ່ວາສອງເທົ່າເມື່ອທຽບກັບປີ 2018.

ລາຍງານຂ່າວປະຈຳປີ ກ່ຽວກັບການກໍ່ອາດຊະຍາກຳຂອງເອັບບີໄອ ລະບຸວ່າ  ໃນປີທີ່ຜ່ານມາມີອາດຊະຍາກຳຊາດນີ້ເກີດຂຶ້ນ 7,314 ຄະດີຫຼາຍກ່ວາຈາກປີກ່ອນໜ້ານີ້ຢູ່ທີ່ 7,120 ຄະດີ ຊຶ່ງຖືເປັນຈຳນວນທີ່ສູງທີ່ສຸດ ນັບຕັ້ງແຕ່ບັນທຶກໄວ້ໃນປີ 2007 ທີ່ 7,783 ຄະດີ.