ອັງກິດຄາດແຈກວັກຊີນຕ້ານໂຄວິດໄດ້ກ່ອນ ຄຣິສມາດ

ສຳນັກຂ່າວ ຣອຍເຕີ ລາຍງານວ່າ ເມື່ອວັນທີ 16 ພະຈິກ ຣານຄ໋ອກ ລັດຖະມົນຕີກະຊວງສາທາລະນະສຸກອັງກິດກ່າວວ່າ ອາດຈະໄດ້ເລີ່ມແຈກວັກຊີນປ້ອງກັນໂຄວິດ-19 ຂອງບໍລິສັດ ໄຟເຊີ ໃຫ້ກັບຊາວອັງກິດໄດ້ກ່ອນຊ່ວງ ຄຣິສມາດ ຫາກວັກຊີນດັ່ງກ່າວ ໄດ້ຮັບການຢືນຢັນວ່າປອດໄພ ແລະ ມີປະສິດທິພາບ.

ທ່ານ ຮານຄ໋ອກ ກ່າວວ່າ: ພວກເຮົາເຮັດວຽກກັບບໍລີສັດຢ່າງໃກ້ສິດ ແລະ ຈະແຈກຢາຍໃຫ້ໄວທີ່ສຸດ ເມື່ອວັກຊີນມາເຖິງໃນຕົ້ນເດືອນທັນວາ ແຕ່ມີແນວໂນ້ມວ່າ ພວກເຮົາຈະສາມາດເລີ່ມແຈກໄດ້ຊ່ວງກ່ອນ ວັນ ຄຣິສມາດ.

ເມື່ອ ທ່ານ ຮານຄ໋ອກ ຖືກຖາມວ່າ ຈຳນວນວັກຊີນທີ່ອັງກິດຕ້ອງການ ນາຍຮານຄ໋ອກຕອບວ່າ ຂຶ້ນຢູ່ກັບປະສິດທີພາບຂອງວັກຊີນວ່າສາມາດປ້ອງກັນການແຜ່ລະບາດໄດ້ຫຼາຍໜ້ອຍສໍ່າໃດ.