ອາຫານດີຕໍ່ສະໝອງທີ່ຄວນມີຕິດເຮືອນໄວ້

     ສະໝອງຮຽນຮູ້ ແລະ ຮັບຮູ້ໄດ້ໂດຍບໍ່ສະງັກໂດຍອາຫານໃກ້ໂຕ ເຊິ່ງດີທີ່ສຸດແມ່ນສານສື່ປະສາດ ປັດໄຈສຳຄັນຢ່າງໜຶ່ງທີ່ມີ ຜົນຕໍ່ຂະບວນການຮຽນຮູ້ – ຮັບຮູ້ບໍ່ສະງັກ ນັ້ນກໍແມ່ນສານອາຫານທີ່ຖືກຫລັກໂພຊະນາການ ສົ່ງຜົນດ້ານບວກຕໍ່ສານສື່ປະສາດ ທີ່ຈະເຮັດໃຫ້ການສົ່ງຂໍ້ມູນຂອງສະໝອງເປັນໄປຢ່າງມີປະສິດທິພາບ.

ເລີ່ມຈາກການຕື່ມຄວາມແຂງແຮງໃຫ້ສານສື່ປະສາດອະຊິຕິນ ໂຄລີນ ດ້ວຍອາຫານຈຳພວກເຂົ້າບໍ່ຜ່ານການຜັດສີ, ເຂົ້າເໝົ້າ, ເຂົ້າກໍ່າ, ແປ້ງສາລີ, ເຂົ້າເບລ, ເຄື່ອງໃນສັດ, ຊີ້ນປາ, ໄຂ່ແດງ, ຕັບ, ນົມ, ຖົ່ວເຫລືອງ, ຖົ່ວດິນ, ຜັກກະລໍ່າ, ຜັກກາດດອກ ເປັນຕົ້ນ ມີຜົນຕໍ່ການຄວບຄຸມຄວາມຈື່ຈຳ, ການຮຽນຮູ້, ການເຄື່ອນໄຫວ ແລະ ການເຮັດວຽກຂອງລະບົບກ້າມຊີ້ນ.

ສຳລັບໂດພາມີນ ຈາກອາຫານທີ່ເປັນແຫ່ລງໂປຣຕິນ ເຊັ່ນ : ຊີ້ນສັດຕ່າງໆ, ອາຫານທະເລ ລວມເຖິງໝາກຖົ່ວອາວມັອນ, ແກ່ນທັນຍາພືດ, ມັນດ້າງ, ມັນຝຣັ່ງ, ໝາກອຶ, ເຂົ້າເໝົ້າ, ເຂົ້າກໍ່າ, ໝາກເດືອຍ, ໝາກສາລີ, ຜັກກາດຂາວ,  ໝາກແຕງແຄນຕາລູບ ລ້ວນແຕ່ມີບົດບາດຫລາຍ ທັງການຄວບຄຸມຄວາມຫິວ, ຄວາມເຄັ່ງຄຽດ, ເຮັດໃຫ້ຮູ້ສຶກຜ່ອນຄາຍ, ສະຫງົບ, ຫລຸດຄວາມວິຕົກກັງວົນ ແລະ ຫລຸດຄວາມຊຶມເສົ້າ. ໝັ່ນກິນເປັນປະຈຳ ໂດຍອາດປະຍຸກເປັນອາຫານຕາມມັກ ແລ້ວທ່ານຈະສຳຜັດໄດ້ເຖິງຄຳເວົ້າຂອງຕ່າງຊາດທີ່ວ່າ :  “You are what you eat”.