ຍິງອາຍຸ 26 ປີແຕ່ມີຜິວທີ່ຫ່ຽວແຫ້ງຜິດປົກກະຕິ
ຫລາຍຄົນລ້ວນແລ້ວແຕ່ມີຄວາມ ຝັນເປັນຂອງຕົນເອງ, ເພື່ອເລືອກເສັ້ນທາງຂອງຕົນເອງ ແລະ ມີຄວາມພະຍາຍາມທີ່ຈະເຮັດໃຫ້ໄດ້ແຕ່ສຳລັບບາງຄົນກໍຈະປະປ່ອຍໃຫ້ຄວາມຝັນນັ້ນພົ້ນຜ່ານໄປແຕ່ລະມື້. ແຕ່ສຳລັບຜູ້ຍິງຄົນນີ້ລາວບໍ່ໃຫ້ຄວາມຝັນຂອງຕົນເອງທີ່ຫລຸດມືໄປຢ່າງແນ່ນອນ.
ລາວມີຄວາມໄຝ່ຝັນທີ່ຈະເປັນນາງແບບ, ແຕ່ອຸປະສັກຂອງລາວກໍຄືມີຜິວໜັງທີ່ຫ່ຽວແຫ້ງ, ລາວຕ້ອງມີຄວາມອົດທົນພະຍາຍາມ ເພື່ອມີກຳລັງໃຈໃຫ້ລຸກຂຶ້ນມາຕໍ່ສູ້ກັບອຸປະສັກດ່ັງກ່າວ, ນາງ ຊາຣາຄຣັດ Sara Geurts ມີອາຍຸໄດ້ 26 ປີ. ຢູ່ສະຫະລັດອາເມລິກາ. ລາວມີຜິວຫ່ຽວຍານ, ເກີນກວ່າອາຍຸ, ທີ່ມີຊື່ເອີ້ນທາງດ້ານວິທະຍາສາດວ່າ: Dermatosparaxis Ehlers-Danlos Syndrome (EDS) ແຕ່ໃນຂະນະນັ້ນກໍບໍ່ໄດ້ເຮັດໃຫ້ລາວລົ້ມສະຫລາຍໃນຄວາມຕັ້ງໃຈທີ່ຢາກເປັນນາງແບບ.
Sara ບອກວ່າ ຜູ້ທີ່ເປັນພາວະ Ehlers-Danlos ກະດູກຂໍ້ຕໍ່ ແລະ ຜິວໜັງຕາມສ່ວນຕ່າງໆຂອງຮ່າງກາຍເຮັດໃຫ້ລາວບໍ່ແຂງແຮງ ແລະ ເຄື່ອນໄຫວບໍ່ສະດວກ, ດັ່ງນັ້ນຈິ່ງເຮັດໃຫ້ຄົນສ່ວນຫລາຍຕ້ອງໄດ້ນັ່ງລໍຄົນພິການ (Wheelc- hairs) ແຕ່ຢ່າງດຽວ. Sara ເລີ່ມໃຫຍ່ຂຶ້ນ. ແລະ ມີຄວາມຍາກລຳບາກໃນການໃຊ້ຊີວິດ ປະຈຳວັນບໍ່ໜ້ອຍ.
ສຳລັບຄົນທີ່ກຳລັງເປັນ ພະຍາດ Ehlers-Danlos ສ່ວນຫລາຍກິນຢາແກ້ປວດເພື່ອບັນເທົ່າອາການເຈັບປວດ, ແຕ່ລາວເລືອກໃຊ້ວິທີແບບທຳມະຊາດເຊັ່ນ: ການນວດບຳບັດ, ຝັງເຂັມ ແລະ ອື່ນໆ.
ອາການ Ehlers-Danlos ຂອງ Sara ໄດ້ເລີ່ມສະແດງໃຫ້ເຫັນຕອນອາຍຸ 7 ປີ, ແລະ ພໍຮອດອາຍຸໄດ້ 22 ປີ ລາວໄດ້ສົ່ງຮູບໄປປະກວດໃນປີ 2016 ທີ Love Your lines ເຊິ່ງເປັນການສົ່ງເສີມໃຫ້ຜູ້ຍິງມີຄວາມບໍ່ສົມບູນຂອງຮ່າງກາຍ, ໄດ້ສະ ແດງຄວາມງາມຂອງຕົນເອງ.
