ລາວ-ຫວຽດນາມເປີດເວບໄຊສ໌ຮ່ວມກັນເພື່ອສົ່ງເສີມການຄ້າສອງຝ່າຍ

ລາວ-ຫວຽດນາມໄດ້ເປີດນໍາໃຊ້ເວັບໄຊສ໌ ການຄ້າຮ່ວມກັນ (www.vietlaotrade.com) ເພື່ອເປີດຊ່ອງທາງການຄ້າແບບ ໃໝ່ໃນການພົວພັນ ດ້ານເສດຖະກິດ- ການຄ້າລະ ຫວ່າງສອງຝ່າຍຂຶ້ນໃນວັນທີ 29ມິຖຸນານີ້,ທີ່ນະຄອນຫລວງວຽງຈັນເນື່ອງໃນໂອກາດສະເຫລີມ ສະຫລອງປີສາມັກຄີມິດຕະພາບລະຫວ່າງ ລາວ-ຫວຽດນາມຄື: ວັນເຊັນສົນທິສັນຍາ ມິດຕະພາບ ແລະ ການຮ່ວມມື ລາວ-ຫວຽດນາມຄົບຮອບ 40 ປີ 18/7/1977-18/7/2017 ແລະ ວັນສ້າງຕັ້ງສາຍພົວພັນການທູດລາວ- ຫວຽດນາມຄົບຮອບ 55 ປີ 5/9/1962-5/9/2017.ໂດຍການເຂົ້າຮ່ວມຂອງ ທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ, ຮອງປະທານຄະນະຊີ້ນໍາລະດັບຊາດວ່າດ້ວຍການສະເຫລີມສະຫລອງປີສາມັກຄີມິດຕະພາບລາວ- ຫວຽດນາມ, ມີທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສະຫະກໍາ ແລະ ການຄ້າ, ທ່ານ ເຈິ່ນກວກ ແຂງ ຮອງລັດ ຖະມົນຕີກະຊວງອຸດ ສະຫະກໍາ ແລະ ການຄ້າ ສສ ຫວຽດນາມ, ພ້ອມດ້ວຍພາກ ສ່ວນກ່ຽວຂ້ອງ ຂອງທັງສອງຝ່າຍເຂົ້າຮ່ວມເປັນຈຳນວນຫລາຍເພື່ອແນໃສ່ເປີດຊ່ອງທາງການຕິດຕໍ່ພົວພັນດ້ານເສດຖະ ກິດ-ການຄ້າແບບ ໃໝ່ໃນຍຸກໂລກາພິວັດໃຫ້ບັນລຸ ຜົນສຳເລັດ.

+ ປີ 2016 ຍອດມູນຄ່າການຄ້າ ລາວ-ຫວຽດນາມບັນລຸໄດ້ຫລາຍກວ່າ 800 ລ້ານໂດລາສະຫະລັດ

+ ເປີດ​ຂຶ້ນ​ແລ້ວງານວາງສະແດງສິນຄ້າລາວ-ຫວຽດ ທີ່ນະຄອນຫຼວງວຽງຈັນ

ອີງຕາມຕົວເລກການພົວ ພັນຮ່ວມມືດ້ານການຄ້າ ແລະ ການລົງທຶນສອງຝ່າຍໃຫ້ຮູ້ວ່າ: ປັດຈຸບັນ ສສ ຫວຽດນາມໄດ້ກາຍເປັນອັນດັບທີ 3 ຂອງຜູ້ລົງທຶນໃນລາວ, ມູນຄ່າການຄ້າສອງສົ້ນລະຫວ່າງສອງຝ່າຍບັນລຸ 800 ລ້ານກວ່າໂດລາສະຫະລັດ.