7 ບັນຫາໃຫ່ຍ ກຳລັງລໍຖ້າປະທານາທິບໍດີຄົນປັດຈຸບັນແກ້ໄຂ
ສຳນັກຂ່າວວິທະຍຸ France Info ຂອງຝຣັ່ງ ລາຍງາຍ ເມື່ອວັນທີ 9 ພະຈິກນີ້ວ່າ ມີ 7 ບັນຫາໃຫ່ຍ ກຳລັງລໍຖ້າ ປະທານາທິບໍດີຄົນໃໝ່ຂອງສະຫະລັດອາເມລິກາໃນປີ 2020 ແກ້ໄຂ ກໍຄື:
- ຄວບຄຸມການລະບາດຂອງພະຍາດໂຄວິດ-19
ໃນຂະນະທີ່ໂຄສະນາຫາສຽງຂອງ ໄບເດັນ ເຂົາໄດ້ຊີ້ເຖິງຄວາມຜິດພາດການຕ້ານພະຍາດຂອງ ໂດນັລທຣຳວ່າ: “ພວກເຮົາຕົກຢູ່ໃນວິກິດການແຜ່ລະບາດຂອງພະຍາດໂຄວິດ-19 ນານເກືອບ 8 ເດືອນແລ້ວ ແຕ່ປະທານາທິບໍດີກໍຍັງບໍ່ທັນມີແຜນການຮັບມືແຕ່ຢ່າງໃດ, ເຂົາປະຖີ້ມປະຊາຊົນ ແລະ ປະຖິ້ມປະເທດອາເມລິກາແລ້ວ”.
ເຂົາປະກາດວ່າ ຈະສ້າງແຜນການແຫ່ງຊາດເພື່ອປ້ອງກັນໂຄວິດ-19 ລວມທັງການຕອບສະໜອງວັກຊີນ ແລະ ສັກໂດຍບໍ່ເສຍຄ່າໃຫ້ທຸກຄົນທີ່ມີບັດປະກັນສັງຄົມ ຫຼື ບໍ່ມີທັງໝົດ. ຄາດວ່າເຂົາຈະນຳໃຊ້ເວລາທີ່ກຳລັງລໍຖ້າການມອບໂອນອຳນາດໃນວັນທີ 20 ມັງກອນ 2021 ເພື່ອທາບທາມຄຳເຫັນຜູ້ວ່າການແຕ່ລະລັດ ກ່ຽວກັບຮ່າງກົດໝາຍຕ້ານ ໂຄວິດ-19. ຫຼັງຮັບໜ້າທີ່ເປັນທີ່ຮຽບຮ້ອຍ ເຂົາຈະຮຽກຮ້ອງໃຫ້ສະພາຜ່ານຮ່າງກົດໝາຍ ອູດໜູນງົບປະມານໃຫ້ແກ່ບັ້ນຮົບຕ້ານໂຄວິດ-19 ແລະ ໃຫ້ທຸກຄົນໃສ່ຜ້າອັດປາກ.
- ຟື້ນຟູເສດຖະກິດ.
ໄບເດັນ ໃຫ້ຄຳໝັ້ນສັນຍາວ່າ ຈະປ່ອຍເງິນຊ່ວຍເຫຼືອໃຫ້ແກ່ພາກການຜະລິດເຖິງ 700 ຕື້ດອນລາ, ໃນນັ້ນ 400 ຕື້ ເພື່ອຊື້ຜະລິດຕະພັນ “made in USA” ແລະ 300 ຕື້ ແບ່ງປັນໃຫ້ຂົງເຂດການຄົ້ນຄ້ວາວິທະຍາສາດ ແລະ ການພັດທະນາໃນຫຼາຍຂົງເຂດເຊັ່ນ: ລົດໄຟຟ້າ, 5ຈີ, ປັນຍາປະດິດ.
- ປິດຮອຍລ້າວຄວາມແຕກແຍກເຊື້ອຊາດ
ໃນການໃຫ້ຄຳໝັ້ນສັນຍາໃນເວລາຫາສຽງນັ້ນ ໄບເດັນໄດ້ກ່າວປະນາມ ລັດທິຈຳແນກເຊຶື້ອຊາດ ແລະ ຕໍ່ຕ້ານປະທານາທິບໍດີ ທຣຳ ທີ່ໃຊ້ກຳລັງທະຫານຕ້ານກັບປະຊາຊົນອາເມລິກາ. ເຂົາສະໜັບສະໜູນການປະທ້ວງໂດຍສັນຕິວິທີ. ທ່ານກ່າວວ່າ: “ຄວາມຄຽດແຄ້ນຈະບໍ່ໜີໄປໃສ ມັນຍັງຄົງຢູ່ໃນໃຈ ແຕ່ຖ້າຫາກຜູ້ໃດມີອຳນາດ ແລ້ວສູບເອົາອາກາດແຫ່ງຄວາມຄຽດແຄ້ນທີ່ຢູ່ໃນໃຈນັ້ນ ຄວາມບາດໝາງກໍຈະກັບຄືນມາ”.
- ກັບຄືນເຂົ້າຮ່ວມອົງການສົນທິສັນຍາ ປາຣີ ກ່ຽວກັນປ່ຽນແປງດິນຟ້າອາກາດ.
ໂຈໄບເດັນ ໃຫ້ຄຳໝັ້ນສັນຍາໃນເວລາຫາສຽງວ່າ ຈະນຳສະຫະລັດກັບຄືນເຂົ້າເປັນສະມາຊິກຂອງອົງການສົນທີສັນຍາ ປາຣີ ວ່າດ້ວຍການປ່ຽນແປງຂອງດິນຟ້າອາກາດ.
- ຫຼຸດຜ່ອນຄວາມເຄັ່ງຕຶງກັບຈີນ.
ຄວາມເຄັ່ງຕຶງລະຫວ່າງສະຫະລັດກັບຈີນອາດຈະຜ່ອນຄາຍຄວາມເຄັ່ງຕຶງລົງ ແຕ່ການວາງອັດຕາພາສີຕໍ່ສິນຄ້າຂອງຈີນ ອາດຈະບໍ່ມີການປ່ຽນແປງພໍເທົ່າໃດ ໂດຍສະເພາະແມ່ນການນຳໃຊ້ອຸປະກອນຂອງຫົວເຫວີຍ ເຂົ້າໃນການຕິດຕັ້ງເຄືອຂ່າຍ 5ຈີ ຢູ່ໃນສະຫະລັດ ແລະ ປະເທດອື່ນໆໃນໂລກ.
- ຮ່ວມສຳພັນຄືນໃໝ່ກັບບັນດາອົງການຈັດຕັ້ງສາກົນ.
ນອກຈາກຈະນຳສະຫະລັດກັບຄືນເຂົ້າສູ່ອົງການສົນທີສັນຍາ ປາຣີ ວ່າດ້ວຍການປ່ຽນແປງດິນຟ້າອາກາດແລ້ວ ຍັງສັນຍາ ຈະໃຫ້ການສະໜັບສະໜູນທາງການເງິນໃຫ້ແກ່ອົງການອະນາໄມໂລກ ແລະ ກັບຄືນເຂົ້າສູ່ອົງການສະຫະປະຊາຊາດ ຊຶ່ງ ທຣຳ ເຄີຍກ່າວຫາວ່າ ຕ້ານກັບອີດສະລາເອລ ຈະກັບຄືນເຂົ້າສູ່ອົງການສົນທິສັນຍາວ່າດ້ວຍການຮ່ວມມືຮອບດ້ານ ແລະ ເພື່ອຄວາມກ້າວໜ້າມະຫາສະໝຸດ ປາຊີຟິກ(CPTPP).
- ເລີ່ມຕົ້ນຄືນໃໝ່ວິທີການແກ້ໄຂລະຫວ່າງລັດ ອິດສະລາເອລ ແລະ ປາແລດສະຕີນ.
ໄບເດັນຢືນຢັນຈະຟື້ນຟູເອກອັກຄະລັດຖະທູດຂອງສະຫະລັດກັບ ອິດສະລາເອລ ຄືນໃໝ່. ຈະເປີດກົງສູນໃຫ່ຍຂອງສະຫະລັດຢູ່ໃນ ເຈຣູຊາລຳ. ແກ້ໄຂບັນຫາສອງລັດແມ່ນວິທີການທີ່ດີທີ່ສຸດ ເພື່ອຮັບປະກັນສັນຕິພາບໃຫ້ລັດຢິວ ແລະ ອິດສະລາເອລ.
