ພັນລະຍາ ທຣຳ ເຕືອນຜົວຍອມຮັບການພ່າຍແພ້

ສຳນັກຂ່າວ ຊີເອັນເອັນ ໂດຍອ້າງການໂອ້ລົມກັບ ພັນລະຍາຂອງ ໂດນັລ ທຣຳ ເມື່ອວັນທີ 9 ພະຈິກນີ້ເປີດເຜີຍວ່າ ຫຼັງການເລືອກຕັ້ງປິດລົງດ້ວຍການເອົາຊະນະຂອງ ໂຈ ໄບເດັນ,  ເມລາເນຍ ທຣຳ ພັນລະຍາຂອງ ໂດນັລທຣຳ ບໍ່ໄດ້ອອກມາວິພາກວິຈານຜົນການເລືອກຕັ້ງແຕ່ຢ່າງໃດ ແຕ່ໃນຖານະຄອບຄົວ ເຂົາໄດ້ເຕືອນໃຫ້ຜົວຍອມຮັບການປະລາໄຊ.

ເຖິງຢ່າງໃດກໍຕາມ ໃນບົດຂຽນລົງທະວິດເຕີ ທີ່ເວົ້າກ່ຽວກັບການເລືອກຕັ້ງນັ້ນ ນາງ ເມລາເນຍ ທຣຳ ຂຽນວ່າ: “ຊາວອາເມລິກາ ໄດ້ມີການເລືອກຕັ້ງທີ່ເປັນທຳ, ບັດເລືອກຕັ້ງທຸກໃບຖືກຕ້ອງຕາມກົດໝາຍ, ຖ້າບໍ່ຖືກຕ້ອງກໍຄວນມີການນັບຄືນ. ພວກເຮົາຕ້ອງຮັກສາຄວາມເປັນປະຊາທິປະໄຕ ດ້ວຍຄວາມໂປ່ງໃສ”.

ດ້ານຂອງອະດີດທີ່ປຶກສາເສດຖະກິດຂອງ ທຣຳ Gary Cohn, ວັນທີ 8 ພະຈິກ ກໍໄດ້ສົ່ງສານອວຍພອນເຖິງປະທານາທິບໍດີ ແລະ ຮອງປະທານາທິບໍດີ ຄື ໂຈ ໄບເດັນ ແລະ ນາງ ຄາມາລາ ແຮຣີດ ທີ່ໄດ້ຮັບໄຊຊະນະການເລືອຕັ້ງຄັ້ງນີ້.