ທຣຳຢືນຢັນເດີນໜ້າຟ້ອງແນ່ນອນ ບໍ່ຍອມຮັບຜົນການເລືອກຕັ້ງ

ໂດນັລທຣຳ ຢືນຢັນການເລືອກຕັ້ງຍັງບໍ່ຈົບ ຈະເລີ່ມຟ້ອງຮ້ອງແຕ່ວັນຈັນນີ້ເປັນຕົ້ນໄປ ເພື່ອທວງເປັນປະທານາທິບໍດີທີ່ຖືກຕ້ອງ.

ສຳນັກຂ່າວ ຊີເອັນເອັນ ລາຍງານວ່າ ຜົນຊະນະການເລືອກຕັ້ງທີ່ສື່ຫຼາຍສຳນັກໃນສະຫະລັດໄດ້ປະກາດໃຫ້ ໂຈໄບເດັນເປັນຜູ້ຊະນະ ຝ່າຍ ໂດ ນັລທຣຳ ກໍອອກມາຖະແຫຼງການຜ່ານສຳນັກງານການເລືອກຕັ້ງຂອງເຂົາວ່າ ໄບເດັນ ປະກາດຢ່າງຮີບຮ້ອນ ແລະ ບໍ່ຖືກຕ້ອງວ່າເປັນຜູ້ຊະນະ ທັງປະກາດວ່າການເລືອກຕັ້ງຍັງບໍ່ທັນຈົບງ່າຍໆ.

ໂດນັລທຣຳ ກ່າວວ່າ : ເລີ່ມຕົ້ນແຕ່ວັນທີ 9 ພະຈິກ ທິມຫາສຽງຂອງຕົນຈະເລີ່ມຂະບວນການຮ້ອງຟ້ອງຕໍ່ສານ ເພື່ອຮັບປະກັນວ່າມີການປະຕິບັດຕາມກົດຂອງການເລືອດຕັ້ງ ແລະ ໃຫ້ຜູ້ຊະນະທີ່ຖືກຕ້ອງໄດ້ດຳລົງຕຳແໜ່ງ ແລະ ເຂົາລະບຸວ່າ ເຂົາຈະບໍ່ພັກຜ່ອນຈົນກ່ວາຊາວອາເມລິກາຈະເຫັນການນັບຄະແນນຢ່າງຖືກຕ້ອງທີ່ພວກເຂົາສົມຄວນໄດ້ຮັບ ແລະ ເປັນປະທານາທິບໍດີ.